Mádenıet jáne sport mınıstrligi Ulttyq arhıv jáne Sırek kitaptar men qoljazbalar ortalyǵy janynan «Arhıv-2025» ǵylymı-ádistemelik ortalyǵyn qurdy. Onyń basshysy bolyp Mádenıet jáne sport mınıstriniń shtattan tys keńesshisi Berik Ábdiǵalıuly taǵaıyndaldy.

Ortalyqtyń maqsaty – Elbasynyń «Uly dalanyń jeti qyry» maqalasynda aıtylǵan «Arhıv-2025» baǵdarlamasyn iske asyrý boıynsha úılestirý jáne ádistemelik jumystaryn júrgizý, memlekettik organdarmen, arhıvtermen, ýnıversıtettermen, ınstıtýttarmen, ǵylymı qaýymdastyqpen birge ulttyq tarıhty tereńinen tutas qaraýǵa múmkindik beretin otandyq jáne halyqaralyq arhıvterdiń qujattary negizinde ǵylymı zertteý jumystaryn uıymdastyrý.

Mindetteri – elimizdiń arhıvteri men ǵalymdardyń shetelden ákelgen arhıv qujattaryn ınventarızasıalaý; qaıtarylǵan arhıvtik qujattardyń biryńǵaı bazasyn qurý; «Arhıv-2025» baǵdarlamasy sheńberinde is-sharalardy júzege asyrý boıynsha shetel arhıvterimen ózara yntymaqtastyq mehanızmin qurý, vedomstvoaralyq úılestirý jáne barlyq deńgeıdegi memlekettik organdarmen jáne ǵylymı qaýymdastyqpen birlesip jumys júrgizý.

Sonymen qatar Ortalyq otandyq jáne sheteldik iri arhıvtermen júıeli jáne uzaq merzimdi ózara yntymaqtastyq boıynsha tarıhshylardyń, ǵalymdardyń, arhıvısterdiń arnaıy toptarynyń izdestirý-zertteý jumystaryna ádistemelik qoldaý kórsetedi.

Jalpy «Arhıv-2025» baǵdarlamasy aıasynda arhıv materıaldaryn anyqtaý, jınaý, júıeleý, jarıalaý; qaıtarylǵan arhıvtik qujattardy sıfrlyq formatqa aınaldyrý; izdeý jáne zertteý jumystarynyń materıaldary negizinde kitaptar, anyqtamalyqtar, jınaqtar, katalogtar shyǵarý jumystary josparlanǵan.

«Arhıv-2025» sheńberinde jobalyq jumystar, ǵylymı zertteýler ýnıversıtettermen, zertteý ortalyqtarymen, jergilikti atqarýshy organdarmen birlese otyryp, vedomstvoaralyq jáne halyqaralyq yntymaqtastyq boıynsha kezeń-kezeńmen júzege asyrylady.

Aǵymdaǵy jyldyń 16 qańtarynda Qazaqstan Respýblıkasynyń Ulttyq arhıvinde ǵylymı qaýymdastyqtyń jáne arhıvısterdiń usynystaryn zerdeleý maqsatynda QR MKK jáne QR BǴM alǵashqy birlesken otyrysy ǵalymdar men arhıv salasynyń qyzmetkerleriniń qatysýymen dóńgelek ústel formatynda ótti.

Ǵylymı qaýymdastyqtyń jáne arhıvısterdiń keńes berý sıpatyndaǵy osyndaı kezdesýleri elimizdiń barlyq óńirlerinde ótkiziledi. Jaqyn arada ol L.N.Gýmılev atyndaǵy EUÝ-de jáne Almaty qalasynda ótedi.