2018 jyldyń 23 qańtarynda "Jastar jyly" forýmynyń ashylý saltanatynda sóz sóılegen 27 jastaǵy 7 balanyń anasy Jazıra Turǵynova búgin úıli boldy. Turǵynovanyń otbasyna úıdiń kiltin Túrkistan oblysynyń ákimi Janseıit Túımebaev óz qolymen tabystady, dep jazady Qamshy.kz aqparat agenttiginiń tilshisi Túrkistan oblysy ishki saıasat bóliminiń basshysy Beısen Tájibaevqa silteme jasap.

Tájibaev súıinshi jańalyqpen Facebook-tegi paraqshasynda bólisti. 

"Kúni keshe ǵana elordada Elbasynyń aldynda aqtaryla sóılep, el razylyǵyna bólengen Batyr ananyń ómiri jaqsylyqqa kúrt ózgerdi degen osy shyǵar. Al Astanadan - Shymkentke poezben shyqqan Jazıra, sol sátten bastap atynyń shartarapty sharlap keterin de bilgen joq.

Beısenbiniń túsinde temirjol vokzalynda antalaı kútken tilshilerden tiksinip, tosyrqap júrgeni de sodan. 

Al búgin, qasıetti jumada kıeli Túrkistanda oblys basshysy Janseıit Túımebaevtyń qolynan baspananyń kiltin alǵan Batyr ana óń men tústiń ortasynda ǵajaıyp kúı keship tur. Úı Lenger qalasynan usynyldy. Al otaǵasy Oljas Ábildabekov arnaıy oqytý kýrstan ótkizilip, jumysqa ornalasady", - dep jazdy Beısen Tájibaev paraqshasy

Usynǵan Gúlim Jaqan