Búgin Abzalǵa "U.S. Consulate Aimaty" AQSH Bas konsýly Erık Maıer Kóńil aıtý jedelhatyn joldapty. Balapanyn joǵaltqan Abzal Konsýlǵa degen sheksiz rızashylyǵyn bildirip, maǵan bylaı depti:
"Sáýle, qarashy, AQSH-tyń Bas konsýly Kóńil aıtý jedelhatyn joldapty... Men tipti, rıza bolyp otyrmyn... Bulardyń adamgershiliginde shek joq qoı". 

— Qalalyq, oblystyq, respýblıkalyq deńgeıdegi ákim-qaralardan kelip, kelmese de, kóńil aıtyp, osyndaı jedelhat joldaǵandar boldy ma desem, "joq" deıdi...

Sony oqyp otyryp oıǵa qaldym...

Bizdiń halyqaralyq deńgeıdegi demeı-aq qoıaıyn, aýdandyq, qalalyq, oblystyq, tipti respýblıkalyq deńgeıdegi "aqyldy" ákim-qaralardyń osyndaı aýyr qazaǵa kóńil aıtýǵa da mılary, adamgershilikteri jetpeıdi ǵoı...

Áıtpese árbir qadamyn jarnamalaýǵa qumar ákim-qaralar osyndaıda adamgershilik tanytsa, kúndelikti jarnamasynan júz ese artyq adamı qadam bolmas pa edi?!

BQO ákiminiń nemese Oral qalasy ákiminiń kip-kishkentaı perishteniń qazasyna qabyrǵalary qaıyspaýyn óz basym, esh túsine alar emespin... Abzaldaı abzal azamattaryn maqtan tuta bilmeıtin, el aldynda júrgen, halyqtyń mahabbatyna bólengen jerlesterine eki aýyz kóńil aıta bilmeıtin qandaı adamdar? Bir aýyz jedelhat joldap, kóńilderin bildirse, taǵynan túsip qalmas edi ǵoı... Odan perishtemiz tirilip kelmeıdi, árıne, biraq adamnyń adamshylyǵy osyndaıda kórinip, kóńil degen osyndaıda bilinedi emes pe?! Tipti, úıine kelip kóńil aıtsa da qandaı jarasymdy ári adamgershilikti bolar edi...

Bárimiz synaıtyn, ásirese men kóp synaıtyn mınıstr Arystanbek Muhamedıuly mundaı máselede aınalaıyn eken, byltyr balam qaıtqanda baspasóz qyzmetinen Aıdar Qyryqbaı  "bastyq jiberdi, sizge sálem aıtty, kóńil aıtýyn joldady" dep kelip ketken. Sodan beri ol mınıstrdi burynǵydaı onsha kóp synamaıtyn boldym...

Áı, ákim-qaralar-aı... Qarapaıym ǵana adamshylyqqa ne ózderińniń mılaryń jetpeıdi, ne kómekshilerińniń, ne baspasóz hatshylaryńnyń mılary, adamgershilikteri jetpeıdi. Búkil Qazaq Dalasyn kúńirentken qaza týraly sizder estimeı qaldy dep oılamaımyn. 

Al búgin bizdiń qolymyzdan kelgeni - jeti shelpegimizdi pisirip, Aıǵanaıdyń rýhyna quran baǵyshtaý...

Sáýle Ábildahanqyzynyń feısbýk paraqshasynan alynǵan

Usynǵan: Ásel Bolatqyzy