Apta basynda 1 mln teńgeden astam aqsha taýyp alyp, ony ıesine qaıtaryp beremin dep jarıaǵa jar salǵan jigit halyqtan keshirim surady dep jazady Qamshy.kz aqparat agenttigi. Onyń bul vıdeosyn qaıyrymdylyqpen aınalysatyn Aıdyn Toqsanbaeva óziniń ınstagram paraqshasyna jarıalady.
"Men Zakır Raýan. İstegen isime ókindim. Bul nárseni ne úshin jasaǵanymdy bilmeımin. Men ótirik aldadym. Bul ápkemniń aqshasy boldy. Sondyqtan halyqtan keshirim suraımyn. Durys jasamadym", dedi Zakır Raýan.
Sondaı aq Zakır Raýan ózin qonaq retinde suhbatqa shaqyrǵan 31-arna men "Óz oıym" baǵdarlamasynan da keshirim surady.
Aıta ketsek, Zakır Raýan 20 qańtarda aqsha toly ámıandy taýyp alǵanyn aıtyp, tanymal bloger Aıdyn Toqsanbaevaǵa habarlasady. Al bloger bolsa óz kezeginde ınstagram paraqshasy arqyly ámıannyń ıesine izdeý salady.
Daıyndaǵan: Ásel Bolatqyzy
