Rejıser Sergeı Dvorsevoı «Aıka» fılminiń kórermenge kórsetilýine aqsha jetpegendikten «Oskar» nomınanttary tizimine enbeı qalǵandyǵyn aıtty.

«Bizdiń fılm - myqty. Kınonyń deńgeıine qarasaq, bizdiń fılm ondaǵy fılmderden kem emes. Tipti kóbine myqty deýge bolady», - dedi Dvorsevoı. 

Sputnik Qazaqstanǵa bergen suhbatynda rejıser fılmniń taralymyna aqsha bólý kerektigin, ókinishke qaraı ondaı qarajattyń bolmaǵanyn aıtty.

«Kartınanyń kóbirek adamǵa kórsetip, promoýshenmen aınalysý kerek. Ol úshin qarajat kerek. Ol kartınalarda bizben salystyrǵanda mol búdjet bar. Sebebi ol Netflix, Sony Pictures jáne basqa kompanıalardyń atynan qatysady. Iaǵnı mundaı qarajatsyz kórermenge jetý qıyn. Deńgeı boıynsha biz ol tizimde (nomınanttar tiziminde) bolýymyz kerek. Biraq búdjet jaǵynan ol múmkin emes», - dedi ol.

Sóıtip, Qazaqstan atynan «Oskar» júldesine usynylǵan «Aıka» fılmi úmitkerler qatarynan shyǵyp qaldy. Qazaqstan atynan júldege úmitti bolǵan Sergeı Dvorsevoıdyń Máskeýdegi qyrǵyz mıgrant qyzynyń taǵdyry týraly «Aıka» dramasy tek short-lıstke deıin ǵana jete aldy.

Byltyr mamyr aıynda «Aıka» fılminde basty rólde oınaǵan otandasymyz Samal Eslámova osy fılmdegi róli úshin «Kann» festıvaliniń «Úzdik aktrısasy» atanǵan.

Usynǵan Gúlim Jaqan