Petropavlda jýrnalısıkaǵa jarty ǵasyr ómirin arnaǵan, "Kazahstanskaıa pravda" gazetiniń Soltústik Qazaqstan oblysy boıynsha jeke tilshisi Valerıı Aleksandrovıch Mersalov uzaqqa sozylǵan syrqaty saldarynan ómirden ozdy, dep habarlady Qamshy.kz aqparat agenttigi Sputnik Qazaqstan saıtynyń deregin negizge alyp.

Valerıı Aleksandrovıch 1950 jyly Chelábi oblysy Vernenskıı aýdanynda dúnıege keldi. Petropavl pedagogıkalyq ınstıtýtyn támamdaǵan soń 1973-1994 jyldary "Maıak", "Lenınskoe Znamá" gazetterinde tilshi bolyp istedi. 1994 jyldan beri "Kazahstanskaıa pravda" respýblıkalyq gazetiniń jeke tilshisi qyzmetin atqarǵan.

Valerıı Mersalov bir aıdan keıin 69 jasqa tolýy tıis bolatyn. Zeınet jasy men aýyr naýqasyna qaramastan 25 jyl "Kazpravda" úshin adal eńbek etip, jarty ǵasyr ómirin jýrnalısıkaǵa arnaǵan.

Áriptesteri ony jýrnalısıkanyń aty ańyzǵa aınalǵan tilshileriniń biri dep biledi. Shyndyǵynda, Valerıı Aleksandrovıch dana da dara tulǵa ári sóz sheberi edi, óziniń salmaqty salıqaly pikiri men qaıtalanbas "mersalovtik" stıli bar bolatyn. Maqalalarynda bas keıipkerdiń taǵdyryn áserli sıpattaıtyny sonsha – oqyrman da sol janmen birge qýanyp, birge qaıǵyratyn. Kómekke muqtaj jandarǵa árdaıym kómektesetin Valerıı Aleksandrovıch qalalyq máslıhattyń depýtaty bolǵan, óıtkeni onyń pikirimen qashan da sanasatyn.

Valerıı Mersalovtyń jarqyn beınesi qazaqstandyq jýrnalıserdiń máńgi jadynda qalady.