Memleket basshysy Jastar jylynyń ashylýyna arnalǵan saltanatty jıynda jas kásipkerlerdi qoldaýǵa arnalǵan baǵdarlama ázirleýdi usyndy. Sondaı-aq, Úkimetke «Bıznes – 2020» jol kartasy baǵdarlamasy aıasynda sol jas kásipkerlerge bólinetin qarjy kólemin eki esege arttyrýdy tapsyrdy. Sol arqyly úsh jylda shamamen 300 myńǵa jýyq jas bıznestiń qyr-syryn meńgerip shyǵýy tıis.

Bıznespen aınalysamyn degen jas kásipkerler birinshi kezekte aǵylshyn tilin meńgerip alsa eken degen tilegim bar. Óıtkeni, búgingi tańda dúnıejúzindegi qundy derek kózderiniń 80 paıyzy aǵylshyn tilinde jaryq kóredi. Eger biz álemdegi ozyq memlekettermen terezemizdi teńestirgimiz kelse, álemdegi sońǵy jańalyqtardan qulaǵdar bolyp, ýaqyt kóshinen qalmaı ilesip otyrǵymyz kelse, tildi jetik bilýimiz qajet.

Bizdiń Halyqaralyq bıznes ýnıversıteti (University of International Business) – joǵary bilimdi bilikti mamandardy daıarlaýda tájirıbesi bar, ekonomıkanyń túrli salasynda bıznes júrgizýge qabiletti jáne kóshbasshy bola alatyn ózindik qazirgi zamanǵy bıznes-mektep. Biz ár stýdent pen tyńdaýshyǵa joǵary jáne joǵary oqý ornynan keıin kásibı bilim berý traektorıasyn qura otyryp, óziniń eń joǵary mansaptyq maqsattaryn júzege asyrýǵa múmkindik beremiz.

Prezıdent ýnıversıtettiń joǵarǵy kýrstarynda oqıtyn stýdentterdi de bızneske baýlýdy da usyndy. Naqtyraq aıtsaq, bitirýshi kýrstarda, ýnıversıtettiń joǵary kýrsynda oqıtyn 60 myńǵa jýyq stýdentti bızneske baýlý qajettigin aıtty. Biz de óz tarapymyzdan jas kásipkerlerge kómektesýge, olardyń jolyn ashýǵa árqashan daıynbyz.

Bahtıar Sabdenalıev

Halyqaralyq bıznes

ýnıversıtetiniń áleýmettik

damý máseleleri boıynsha

basqarýshy dırektory