Mıhaıl Sakaashvılı izdeýde júr. Búgingi grýzın bıligi oǵan aıyp taqqan. Onyń Ýkraınadaǵy saıası belsendiligi de nátıjesiz aıaqtaldy. Petr Poroshenko ony elden alastatty. Qol-aıaǵyn, kózin baılap, Nıderlandyǵa qaraı shekara asyryp jiberdi. Biraq...

Onyń Grýzıaǵa qaıta oralǵysy keledi. Degenmen, qazir óz eline kelýine esh múmkindigi joq. Óıtkeni qazirgi bılik oǵan qatysty qylmystyq  is qozǵaǵan. Bul qoldan jasalynǵan bolýy da múmkin. Aqıqaty, grýzın prezıdentiniń mańaıyndaǵylar onyń elge oralýyn qalamaıdy. Al Sakaashvılı elge oralsa, ony halyq taǵy da qoldap ketýi múmkin. Óıtkeni...

Grýzıada ótken byltyrǵy qarashadaǵy prezıdenttik saılaýda bıliktiń ókili Salome Zýrabıshvılı hanym jeńiske jetti. Ortalyq saılaý komısıasynyń esebi boıynsha ol 59,52 paıyz daýys jınap, el prezıdenti atandy. Al onymen básekege túsken Grıgol Vashadze 40,40 paıyzdan artyq daýyspen ekinshi oryn aldy. Al Vashadze – Mıhaıl Sakaashvılıdiń adamy. Sondyqtan da Mısha eger elge keletin bolsa, mindetti túrde onyń partıasy jeńiske jetetine ózi de  asa senimdi. Sondyqtan da bolar, shetelde júrse de, grýzın halqynyń basym kópshiligi ózin qoldaıtynyn biledi. Shekara syrtynda júrip batyl málimdeme jasaýynyń syry da osy.

–Meni grýzın halqynyń basym bóligi jáne opozısıa ókilderi qoldaıtynyn bilemin. Eger elde maǵan erkin júrýge múmkindik jasalsa, 72 saǵattyń ishinde búgingi bılikti beıbit jolmen aýystyrýǵa kúshim jetedi. Qazirgi Grýzıa bıligi jyndylardyń júıkesi buzylǵandar turatyn ǵımaratta  dárigerlerdi qamap ustap otyrǵanyn  eske túsiredi. Sondyqtan da biz eshqandaı qurbandyqqa barmaı bılikte júrgen «jyndylardy» oqshaýlaýymyz qajet, – dedi eks-prezıdent Rýstavelı-2 telearnasyna bergen suhbatynda.