Almaty polıseıleri joǵalyp ketken 20 jastaǵy qyzdyń denesin tapty, - dep habarlaıdy Qamshy.kz aqparat agenttigi Tengrinews.kz saıtynyń deregin negizge alyp. 

25 qańtarda Almaty oblysy Qarasaı aýdanynyń 1999 jylǵy turǵyny Valerıa Pogrebnáktiń joǵalyp ketkeni jaıly polısıaǵa habarlama túsken. Quqyq qorǵaý organdarynyń ókilderi izdestirý jumystaryn júrgizip, Valerıanyń dosy - qyz joǵalyp ketkenge deıin onymen birge bolǵan 2000 jylǵy jigitten jaýap aldy. 

"Júrgizilgen sharalar barysynda onyń qyzdyń joǵalyp ketýine qatysy bar ekeni anyqtaldy: ol tergeý barysynda adam óltirgenin moıyndap, tipti qyzdyń denesin qaıda jasyrǵanyn aıtqan. Bul oqıǵa Valerıa Pogrebnák turatyn aýyldyń mańynda bolǵan. Buǵan, boljam boıynsha, qyzǵanysh sebep bolǵan", - dep habarlady polıseıler.

Kúdikti bergen jaýaptarǵa qaraǵanda olar janjaldasyp qalǵan, artynsha ol Valerıany óltirgen. Qylmysty jasyrý úshin qyzdyń denesin kómip tastaǵan.

"Áýezov aýdandyq Polısıa basqarmasyndaǵy izdestirý boıynsha tirkelgen is ózgertildi, qazirgi ýaqytta adam óltirý baby boıynsha tergeý júrip jatyr. Kúdikti qamaýǵa alyndy", - dep habarlady polıseıler.