Djékı Chan — gonkongtyq, qytaılyq, amerıkalyq akter, kaskader, kınorejısser, prodúser, senarıst, trúkter men soǵys kórinisterin qoıýshy, ánshi, meıirban (fılantrop-qaıyrymdylyqpen aınalysýshy), jaýyngerlik óner sheberi, QHR-daǵy kóne kınostýdıalardyń biri  — "Chanchýn" kınostýdıasynyń bas rejıseri.

Bir nársege daryndy adam, ózge iste de qabiletti, ónerli bolady deıdi kópshilik. Menińshe, ol eńbekten. Alla adamnyń bárin daryndy etip jaratqan. Sanaly adam bolyp dúnıege kelgeniniń ózi beker emes. Tek jalqaýlyq bar da boıymyzda... Áıtpese, ónersiz adam bolmaıdy. Tynymsyz eńbek pen qajyrly qaırattyń arqasynda boıyńda jasyrynyp, uıyqtap jatqan daryndy oıatý – ózimizden.

Endeshe, búgin bir boıynda sonshama óneri bar Djekı Channyń birer qanatty sózderinen sýsyndap, jigerimizge jiger qosa otyraıyq...

***

Eshqashan ekinshi Brús Lı bolǵym kelgen emes. Men jáı ǵana birinshi Djekı Chan bolǵym keldi.

***

Qolymnan eshnárse kelmeıdi degen adamdarǵa senbe. Olar bir beıbaq, beıbaq kúıinde qala bermek.

***

Jetistikke jetýdiń týra joly – óz isińe ǵashyq bolý.

***

Eger jetistikke jetkiń kelse, alty kemistikten aýlaq bol: uıqyshyldyq, jalqaýlyq, qorqaqtyq, ashýshańdyq, bos sózdilik jáne batylsyzdyq.

***

Baqyt formýlasy: 80% — jumys, 15% — qaıyrymdylyq, 5% — týǵan Gonkongqa degen mahabbat.

***

Túk paıdasyz bópe boldym. Ap-aryq, ilmıgen bala boldym. Tentek jasóspirim boldym. Al endi she? Kim bolǵanymdy kórdiń be!

***

Eshbir trúk jasaı almaı qalǵan kún – meniń eń sońǵy jumys kúnim bolady.

***

Keıde toqtaı qalamyn da... «búgin ólip ketýim múmkin edi, á...» dep oılaımyn.

***

Kútpegen tanymaldylyq pen aıaqasty buıyrǵan baq adamdy túbegeıli ózgertip jiberedi.

***

Óz mádenıetińdi qurmettep, nasıhattaýyń kerek.

***

Djekıge uqsaýǵa tyryspańdar. Ómirde tek bir ǵana Djekı bar.