Astanadaǵy Haziret Sultan meshitiniń ımamy Naýryzbaı qajy Taǵanuly halyqtan jınalǵan qarjyǵa qara jamylǵan otbasyǵa páter alyp beretindigin habarlady, dep jazady Qamshy.kz aqparat agenttigi.

Bes bala ajal qushqan qaıǵyly jaǵdaıdan keıin Haziret Sultan meshitindegiler balalardyń ata-anasyna kómek berý maqsatynda qaıyrymdylyq qoryn uıymdastyrǵany belgili. Búginde qajetti aqsha  jınalyp, ol qarjyny otbasyǵa páter alýǵa jumsamaq eken.

-Haziret Sultan meshitine kelýshilermen birlese otyryp biz jetkilikti qarajat jınadyq. Komısıa jasaqtalyp, qaza tapqan 5 balanyń týystarymen kezdeskennen keıin olarǵa páter alýǵa sheshim qabyldandy. Otbasy bul sheshimimizge qarsylyq tanytqan joq, - deıdi ımam Naýryzbaı qajy Taǵanuly.

Esterińizge sala keteıik, kúni keshe Astana ákimi bolǵan jaıtqa baılanysty shuǵyl jınalys ótkizip, balalarynan aıyrylǵan otbasyǵa barynsha qoldaý kórsetýge tapsyrma berdi.

Usynǵan: Nazerke Labıhan