Qazaqstan Prezıdenti Astana qalasyndaǵy órt saldarynan qaza bolǵan balalardyń ata-anasy men týysqandaryna kóńil aıtty, — dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap.
"Keshe Astanada aýyr qaıǵyly oqıǵa boldy.
Órt saldarynan bir otbasy bes birdeı perzentinen aıyrylyp qaldy.
Qaza bolǵan balalardyń ata-anasy men týysqandaryna kóńil aıtamyn.
Osyǵan baılanysty men Úkimetke jáne Astana qalasynyń ákimi Baqyt Sultanovqa zardap shekkenderge qajetti kómek kórsetýdi tapsyrdym.
Barlyq óńirdiń ákimderi quzyrly organdarmen birlesip, órt qaýipsizdigin qamtamasyz etý úshin baqylaýdy kúsheıtýi kerek, sondaı-aq tıisti tekserister uıymdastyryp, halyq arasynda túsindirý jumystaryn júrgizýi qajet.
Mundaı jaǵdaı qaıtalanbas úshin barlyq tıisti sharalardy qabyldaý kerek", — delingen habarlamada.
Esterińizge sala keteıik, 4 aqpanda Astana qalasynda jekemenshik úı órtenip, sonyń saldarynan bes bala qaza bolǵan edi. Órt bolǵan kezde ata-analary jumysta bolǵan.
Usynǵan: Nazerke Labıhan
Pikir qaldyrý