Tanymal ánshi Gaýhar Álimbekova halyqtan keshirim surady dep habarlaıdy Qamshy.kz aqparat agenttigi. 

"Men sizderden birinshi keshirim suraımyn. Sebebi keshe kele sala alǵys bildirip, sálem joldaýym kerek edi. Endi sýyq jerden kelgen soń ishtegi sýyq syrtqa shyǵyp mazam bolmaı, aýyryńqyrap jatyp qaldym. Jyly jerge oralǵan soń esimdi endi ǵana jınap otyrmyn. Eshten kesh jaqsy deıdi ǵoı qazaq. Qurmetti de qymbatty Láılá Sultanqyzy, BAQ ókilderi, qymbatty ónerdegi Maqpal ápkem men Maıra ápkem bastaǵan ónerdegi áriptesterim, sondaı-aq súıikti qazaq halqyma, men úshin alańdaǵan árbir adamǵa rıasyz kóńilmen alǵysymdy bildiremin! Áýeli Alla jáne ónerdegi janashyr jandardyń qoldaýymen jaǵdaıym sál de bolsyn jaqsardy. Birinshi Alla sodan soń sizderdiń qoldaýlaryńyzdyń arqasynda tar qapastan týǵan týystyń ortasyna oraldym. Al negizgi sheshim appelásıalyq sot kezinde belgili bolady. Sizderdeı janashyr halqym barda bári ońalar dep úmittenemin. Men sizderdi jaqsy kóremin", dedi Gaýhar Álimbekova. 

 

 

 

Posmotret etý pýblıkasıý v Instagram

 

 

Anaý joly @gauhar_alimbekova_official qatysty bilgen aqparatymmen bólisip, habardar qylyp otyramyn degen edim ǵoı. Mine, Gaýhar qyzdaryńyz sizderge aq júregimen alǵysyn jetkizdi. Vıdeodan-aq bul jaǵdaıdyń jeńil tımegeni kórinip-aq tur... ⠀ Al kelesi vıdeoda (lıstat etińiz) birneshe jyldyq ótili bar Tursyn Tólegenova. Gaýhardyń jaǵdaıyn estip habarlasqanymda ótinishimdi jerge tastamady. Qazirgi ýaqytta Shynqýat Baıjanov, Abzal Quspanov istiń jaı-japsaryn anyqtaýda. Aldaǵy appelásıalyq sotta jeńip shyǵamyz degen nıettemiz, jeńip shyqsaq eken degen duǵadamyz? #jylamashyápkem #qudaıqýanyshtanǵanajylatsyn

Pýblıkasıa ot Láıla Sýltankyzy (@sultankyzy) 5 Fev 2019 v 11:28 PST

♦Gaýhar Álimbekova: Baqyt táte meni temir torǵa toǵyttym dep baqytty bop júrgen shyǵar...

Eske salaıyq, elimizge tanymal ánderdiń avtory, ánshi Gaýhar Álimbekova 30 qańtarda alaıaqtyq úshin 6 jylǵa bas bostandyǵynan aıyrylǵan bolatyn.  Keıinirek ánshiniń advokaty Jumaǵalı Zınelov istiń mán-jaıyn aıtyp bergen edi. Advokat sot úkimimen kelispeıtinin jáne taıaý arada apelásıalyq sotqa aryz túsiretinin málimdedi. 

4 qańtarda 6 jylǵa bas bostandyǵynan aıyrylǵan ánshi Gaýhar Álimbekova sot sheshimi kúshine engenshe qolhatpen bosatyldy.

Daıyndaǵan: Ásel Bolatqyzy