Eńbek jáne halyqty áleýmettik qorǵaý mınıstri Madına Ábilqasymova bloger Denıs Krıvosheevtiń suraǵyna jaýap berdi, dep jazady Qamshy.kz aqparat agenttigi.

Bloger Krıvosheev mınıstrden tirideı órtke oranyp qaza tapqan 5 balaǵa qatysty saýal qoıǵan. Al mınıstr óz kezeginde blogerge bylaı dep jaýap beripti:

«Bul qaıǵyly oqıǵa tek bir ǵana otbasynyń emes, barsha halyqtyń qabyrǵasyn qaıystyryp, júregine jara saldy. Barlyq týystary men ata-anasyna qaıǵyra kóńil aıtamyn. Men de anamyn, qandaı qıyn ekenin bilemin, bul – orny tolmas qaza. Jaratqan otbasyna jar bolsyn.

Osyǵan baılanysty bizdiń mınıstrlik aldaǵy ýaqytta qosymsha áleýmettik kómek pen turǵyn úıge qatysty kómegin usynady. Áleýmettik jaǵdaıy tómen barlyq otbasyǵa tıisti kómek kórsetiletin bolady».

Keshe Úkimettiń selektorlyq jınalysynda vıse-mınıstr Svetlana Jaqypova óz sózinde "mınıstr Ábilqasymovanyń qaıǵyly jaǵdaıǵa dýshar bolǵan ata-anaǵa baryp kóńil aıtty" degen bolatyn. Belgili bolǵanyndaı, atalmysh mınıstrlik bul otbasyǵa materıaldyq jáne moraldyq turǵyda kómek kórsetipti. Qazirgi ýaqytta Eńbek jáne halyqty áleýmettik qorǵaý mınıstrligi elimizdegi barlyq kópbalaly jáne jaǵdaıy tómen otbasylarǵa áleýmettik kómek kórsetý máselesin qarasytyrýda.

Usynǵan: Nazerke Labıhan