***
Qartaıǵan adamdardyń barlyǵy da aqyldy emes shyǵar, álde tek aqyldylar ǵana qartaıa ma? Qartaıǵandardyń ishinde kezinde eki alǵan, talaı adamdy renjitken, talaıdyń kóńilin qaldyryp, talaıdy jylatqan, oqymaǵan, toqymaǵan adamdar da bar emes pe? Barlyq qartaıǵandar ne ózińnen úlkenniń barlyǵy aldyńǵy partada otyrǵandardan emes qoı...mysalǵa. Túsine almaı baramyn adamdardy... ne men topastanyp baramyn ba... N.ǵ.: ...qoǵamda bul jaıttyń bar ekenin taǵy ras.
***
Oıym-ótkenim, armanym-ómirim, ákem-júregim, baýyrlarym-tiregim, jumysym-qolǵanatym, densaýlyǵym-amanatym, ımanym-baılyǵym, bilimim-dosym, aýqatym-kúshim, turaǵym-panam, dostarym-qanattarym, qıalym-bolashaǵym... Menen asqan baqytty jan joq, sirá... Myń da bir shúkir...
***
Senim jaqsy nárse. Sengiń keledi. Áldekimge. Ánsheıin dúnıeni. Alaıda, bolmaıdy. Senimiń aqtalmaǵanda, saýsaq tistep qalmas úshin, odan da qupıańdy, syryńdy ishte saqtap qalýdy artyq kóresiń. Áldekimge áldebir nárseni aıtpas buryn, sol adamǵa senimsizdik tanytyp turasyń, ne sol senimsizdikti senbeý arqyly, kúmán arqyly óziń boldyrasyń, menińshe. Bilmeımin. Men senbeımin be, álde adamdardan sonshalyqty senim ketken be... álde men ózim senimsiz adammyn ba... uǵa almadym... áıteýir birdeńe jetispeıdi...
***
Men ómirden ne kórmedim! Menen asqan sorly adam joq shyǵar!? Nege barlyq sátsizdik pen jamandyq maǵan ǵana tónip turady?! Nege jolym bolmaıdy?! Nege ylǵı osyndaı?! Nege? Nege??? Iá, kópshiligimiz eger basyma áldebir is túsip, ne oılaǵanymyz iske aspaı qalǵanda dál osylaı oılaıtynymyz ras. Iá, ras! Biz sondaımyz! Kúlli ǵalamnyń sátsizdigi jalǵyz bizge tónip, jalǵyz biz ǵana qınalyp júrgendeımiz. Mende de osyndaı jaǵdaı bolyp turady. Sol kezde bir apaıymyzdyń sózi túsedi eske. "Kim jetisip júr deısiń". Iá! Iá, kim jetisip júr deısiń?! Árkimge ózine laıyqty, ózi kótere alatyndaı qıyndyq beriledi. Eger oǵan shamań jetpese, saǵan ol synaq berilmes edi. Qıyndyq, sátsizdik, jamandyq bar ma? Demek, sen ómir súrip jatyrsyń degen sóz! Olaı bolsa, ómirdegi synaqtan súrinbeı ótip, tıisinshe ǵumyr keshýdi násip etsin!
***
Bári jaqsy bolady! Ótirik! Qashan? Qalaı? Eshteńe de jaqsy bolmaıdy! Sen jaman oılap, ózińe, isińe senbeı, esh áreket qylmaı, "alma pis, aýzyma tús" dep nemese bir synaqqa bola bárine qol silteseń, basyńa buıyrǵan baqytty kóre almasań, bardy qadir tutyp, qanaǵat qylmasań, jaqsy oılap, jaqsylyqqa umtylmasań, jańbyrdan keıin kempirqosaq shyǵatynyn bilmeseń, jylda tórt mezgil baryn ańǵarmasań, tyryspasań, tyrashtanbasań, únemi jylamsyrap, kúlkini umytsań... jalpy, ár kúnińdi beker ótkizseń.... onda eshteńe de jaqsy bolmaıdy! Jaqsy bolady dep te kútpe! Ózińe óziń senbeseń, jaqsylyqqa senbeseń, basqa bireýdiń saǵan sengeninen túk shyqpaıdy... Bári óz qolyńda...
