SAIASI PORTRET: ERLAN QARIN Saıasatkerlerdiń ishinde unaıtyny ol - Erlan Qarın. Bolashaq Qazaqstannyń lıderi bolsa eken degen tilek te joq emes! Erlan Qarın jalǵyz maǵan emes qazaq jýrnalısıkasynda júrgenniń barlyǵyna, orys jýrnalıserine, shet eldegi qazaq jastaryna tipti Almatynyń bir túkpirindegi esh mem.qyzmetker bas suqpaıtyn "Til men Rýh" klýbynyń múshelerine de unaıdy. Nege!? Birinshiden, qandaı qyzmette bolmasyn BAQ ókilderine ashyq suhbat bere bildi. Jańaózen oqıǵasy kezinde de ózgeshe pikir aıtty. Ekinshiden, aqtar men qaralar lagerine bólingen bizdiń qoǵamdy birtutas retinde kóredi. Úshinshiden, qandaı qyzmette bolmasyn "elge paıdam tısin", "kirpishiń bolyp qalanaıyn" degen nıetpen jumys jasaıdy. Oǵan tolyq kózim jetedi. "Tórtinshiden" dep jalǵastyryp kete berýge bolady...
MEN TAS EMES RÝH İZDEP JÚRMİN
Talaı tylsym tunshyǵyp qalǵan úńgir – Qansha jumbaq ózińde qalǵanyn bil! Tas balbaldar kúzeter bosaǵańdy – Tas júrekti jibiter janǵa dilgir. J.Á. Babalarymyzdyń murasynan úrikpeı, tárk etpeı olardy zerttep, fotoǵa túsirip jınap júrgen Erlan aǵanyń "men tas emes rýh izdep júrmin" degen sózi kópti ańǵartady. Erlan aǵanyń "Qazaq almanaǵyna" bergen suhbatyndaǵy myna bir sózi esimnen ketpeıdi. Erlan Qarın: "Ókinishke qaraı, elimizdiń soltústik óńirinde mundaı tastar kezdese bermeıdi. Sebebi, tyń ıgerý kezinde kóbisi tehnıkanyń tabanyna túsken. Qıratylǵan, urlanǵan." Kókshetaýdaǵy aǵalardan osyndaı oqıǵany men de estidim. Balbal tas shynymende bizge RÝH beretin sekildi.
Postty úlken qylyp jazý ádetimde joq edi. Biraq Erlan aǵamyzdyń tulǵasy, ustanymy, baǵyty bir postqa syımaıdy eken. Basynda oılanbappyn. Jumekenniń bir óleńinde mynadaı joldar bardy: "Tóbelerdiń kóńili úshin, ǵasyrlyq, Keıde shyńnyń asqaqtyǵyn jasyrdyq" degen. Erlan aǵamyzdyń da bıiktigin baıqamaı júrgendeımiz nemese jasyramyz. Posttyń sońynda post ıesiniń suhbattarynan bir-eki úzindi berip jibereıin:
Erlan Qarın: Astananyń qurylysy neden bastalyp edi? Astana qurylysy Kenesary eskertkishi men Eýrazıa ulttyq ýnıversıtetin salýdan bastaldy. Osy eki nysannyń qurylysy ózgelerden birinshi bolyp sanaly túrde bastaldy ma, álde kezdeısoqtyq pa, men ony bilmeımin. Han Keneniń eskertkishiniń birinshi bolyp qolǵa alynýynyń bir syry bar. Áriptesim Berik Ábdiǵalıev Kenesarynyń qazirgi Astananyń ornynda bolǵan bekinisti ala almaı ókinishte ketkenin, endi myna beıbit kúnde ony bizdiń alǵanymyzdaı seziledi dep aıtatyny bar edi. Sol sıaqty aldymen eń sońǵy hanymyzdyń eskertkishin salýymyzdyń óte úlken máni bary ekenin jıi aıtýymyz kerek. Astananyń sımvoly tek Baıterek qana bolmaýy tıis.
Erlan Qarın: Bir ókinishtisi, biz táýelsiz memleket qurý kezeńinde ultshyldyqtan úrkip, bas tarttyq. Memlekettiń damýyna bastapqy energıany beretin – osy. Ony ultshyldyq, ultjandylyq dep qalaı atasaq ta báribir. 1986 jylǵy Jeltoqsan oqıǵasynan keıin, bizde, eń aldymen, elıtada, zıaly qaýymda bir úreı qalyptasty. 20 jyl boıyna osy ultshyldyqty basyp keldik. Tipti ony ultjandylyq dep jumsartyp, kópulttylyq dep ózgertip, ózimizdi-ózimiz aldap, sol uǵymdy joqqa shyǵaryp kelemiz. Bul keńestik dáýirden qalyptasqan kózqaras – ultshyldyqty jaǵymsyz faktor retinde qabyldaý keńestik dáýirden qalyptasqan kózqaras. Al búgin osy biteý ózinen-ózi jarylyp keledi.
Qýanysh Qojabaıuly, Facebook paraqshasynan
