Qoǵamdyq damý mınıstri Darhan Qaletaev jas otbasylarǵa páter qashannan berile bastaıtynyn aıtty, dep jazady Qamshy.kz aqparat agenttigi.

«Biz aıdyń sońyna deıin negizgi usynystardy ázirleýdi josparlap otyrmyz. Olardy daıyndap qoıǵanbyz, qazir tıisti mınıstrliktermen bul máseleni talqylap jatyrmyz», - dep aıtyp ótti mınıstr Qaletaev.

Onyń aıtýynsha, negizgi jumystar úsh megapolıstiń ákimdigine tapsyrylady.

«Páterlerdi biz bermeımiz, jergilikti atqarýshy organdar beretin bolady. Biz basty krıterıılerin daıyndaımyz, al qalǵan jumystardy úsh megapolıstiń ákimdikteri atqarady. Elbasy Almaty, Astana jáne Shymkent qalalaryna 1 myń páter bóldi», - deıdi Darhan Qaletaev.

Sondaı-aq, mınıstr óz sózinde aǵymdaǵy jyly deıin jas otbasylarǵa arnalǵan páterler salynbaıtynyn aıtyp ótti.

«Jas otbasylarǵa arnalǵan bir tıpti úıler joq bolǵandyqtan, bıyl naryqtan 40-50 sharshymetrdi quraıtyn páterlerdi satyp alýǵa sheshim qabyldandy. Al kelesi jyldan bastap olarǵa páter salý jumystary bastalady», - dep aıtty Darhan Qaletaev.

«Biz jastar saıasatyna jaýapty organ bolǵandyqtan páterler arzandaý berilgenin qalaımyz, biraq barlyǵy da naryqtaǵy baǵaǵa baılanysty. Jastardyń jaǵdaıy qanshalyqty jetetinine qarap sheshim qabyldaıtyn bolamyz. Bul iske qarajat ákimdik tarapynan bólinedi. Al búdjettiń qarjysy Elbasynyń tapsyrmasymen bólindi», - deıdi mınıstr Qaletaev.

Usynǵan: Nazerke Labıhan