7 aqpanda Shymkent jaqtan qaraly habar keldi. Elge belgili hırýrg, Shymkent qalalyq aýrýhanasynyń bas dárigeri Mádı Bıǵalıev 63 jasynda aıaq astynan qaıtys boldy, dep jazady Qamshy.kz aqparat agenttigi.
Jaqyndary qazanyń sebebin júrek soǵysynyń toqtap qalýynan dep aıtqan. Sebebi bir jyl buryn hırýrg operasıa jasatypty.
Al búgin belgili bolǵandaı, Mádı Bıǵalıev ózin-ózi óltirgen. Tek sýısıdtiń sebepteri tipti dárigerdiń jaqyndaryna da belgisiz. Týystary marqumnyń denesin 7 aqpan kúni 15:00-de taýyp alǵan. 15:13-te jedel-járdem keldi, alaıda qutqarý múmkin bolmady. Qazirgi ýaqytta QR QK 105-babyna sáıkes «Ózin-ózin óltirýge deıin jetkizý» boıynsha sotqa deıingi tergeý bastaldy.
Shymkent qalasynyń dárigerleri úshin bul qaza aýyr boldy.
«Biz úshin bul orny tolmas qaıǵy. Qandaı ashyq-jarqyn adam edi. Qanshama adam úshin jantalasty, ólimnen qutqardy. Qoldary altyn adamnan aıyrylyp qaldyq. Bilseńizder ǵoı, onyń qandaı dáriger bolǵanyn...», - dedi jedel-járdem stansıasynyń bas dárigeri Gúlnar Qurmanbekova.
Usynǵan: Gúlim Jaqan
