Ataqty psıholog, bıznes-trener álemdi aýzyna qaratqan Djon Kehonyń motıvasıaǵa toly kitaptary mılıondaǵan tırajben taratyldy. 1934 jyly Toronto qalasynda týǵan ataqty trener zertteý jumystaryn bastaý úshin 1975 jyly elden tasada, ormandaǵy úıde óz jumystaryn bastaıdy. Bul kezde ol qyryq bir jasta edi. Arada úsh jyl ótisimen, qalaǵa qaıtyp kelip, 1978 jyly alǵashqy trenıńterin bastap, adamdardyń ómirin ózgertýge atsalysa bastaıdy.  

     Tanymal trener aldymen mımen jumys isteı bilýdiń mańyzyn atap ótedi. Búginde bestsellerge aınalǵan kitaptarynyń biri «Podsoznanıe mojet vse» kitabyn kez-kelgen ómirin ózgertkisi kelgen adam súıip oqıdy. Bul kitapty qazaqshaǵa  Myrzageldi Kemel «Túısigińmen oılaı bil» dep aýdarǵan.  Avtor bul kitapta aldymen mı qyzmeti jáne ony basqarýdyń joldary týraly aıtady. «Óz-ózińe degen senimdilik jáne negatıvke jol bermeý, jolyńdy ashady» deıdi. Aqsha men baılyq, óz kúshińdi  durys jumsaı  bilý, boıdaǵy energıany basqarý jaıly jazyp ótken. Sonymen qatar, kórermen kózaıymy men kózqýanyshyna aınalǵan «Dengı, ýspeh ı vy», «Praktıcheskıı kýrs ı schastá», «Kvantovyı voın ı soznanıe býdýshego» kitaptaryn álemniń buryshynan tabýǵa bolady.

      Aldymen adam oıyn ózgertip, affırmasıalar (motıvasıaǵa toly jaqsy sózder-red.) aıtý qajet. Bul motıvatordyń trenıńin bastaı sala aıtatyn keńesteriniń biri. Qarjylaı táýelsizdikke qol  jetkizgisi kelgen adam sanasyna tabyskerdiń oılaý júıesin engizýi kerek. Sanasyn qorqynyshqa emes, senimge toltyra bilý kerektigi týraly da basa aıtady. Djon Keho arnaıy shaqyrtýmen  Astana men Almaty qalalaryna da kelip ketken. 2018 jyly Almatyda ótkizilgen semınar baǵalary standart 45 myń, bıznes 100 myń, ary qaraı vıp oryndar 180 myń teńgeden  satylǵan. Eń joǵarǵy vıp bıletterdi ala otyra, spıkermen birge túski as iship, fotoǵa túsý baqytyna ıe bolasyz.

 Bir dárisiniń ózi az aqsha turmaıtyn bıznes-trener álemde sanasyn ózgertip, mılıondaǵan qarajat tabatyn bıznesmender men myńdaǵan adamnyń rýhanı ustazy, motıvator-jetekshisi. Onyń sabaǵyna kelýshilerdiń sany kúnnen kúnge artyp keledi.

  Búginde seksen bes jasqa tolǵan Djon Keho jubaıymen ǵana turady. Olardyń balalary joq. Adamdarǵa jol siltep, ómirin ózgerýge septigin tıgizýdi basty maqsat etken. Elý tórt jyldan beri birneshe eńbek jazyp, álemge tanylǵan psıholog-lektor Kanadanyń batysynda ornalasqan Vankýver qalasynda turady. Terezesi bıik taý men muhıtqa qaraı ornalasqan jumys bólmesinde shabyttana otyryp tyń týyndysyn jazady.