Senat depýtaty Darıǵa Nazarbaeva Qazaqstan jýrnalıseri kongresi atqarý komıtetiniń tóraıymy retinde kúni keshe ǵana BAQ ókilderin akredıtasıalaýǵa qatysty shyqqan buıryqpen tanysyp, egjeı-tegjeı zertteýge ýáde berdi. Bul týraly Qamshy.kz aqparat agenttigi Sputnik Qazaqstan aqparatyna súıenip habarlaıdy.

"Qazirgi zamanda jýrnalıserdiń aýzyn jabýǵa bolmaıdy. Qazir ınternet arqyly óz oı-pikirin ashyq aıtýǵa múmkindik bar. Jýrnalıser árqashanda eldiń qamyn oılaıdy, halyqtyń muń-muqtajyn úkimetke jetkizedi. Bul jaǵynan jýrnalıserdiń róli óte mańyzdy", - dedi Nazarbaeva senat kýlýarynda.

Senator búgingi tańda elimizge myqty jýrnalısik qoǵam kerek ekenin atap ótti.

"Jýrnalıser odaǵy degen bar, biraq onyń atyn da estimeımiz, ne istep jatqanynan da beıhabarmyz. Óz salalaryńa qatysty zań jobasy qaralyp, talqylanyp jatqanda, oı-pikirlerińdi aıtyp, úkimetpen birge jumys istep, kúrese bilý kerek. Ókinishke qaraı, jýrnalısik qoǵam bul máselelerde belsendi emes", - dedi Nazarbaeva.

Onyń aıtýynsha, Qazaqstanda BAQ salasy óte qatty rettelgen.

"Meniń oıymsha, túptiń túbinde bul dástúrli buqaralyq aqparat quraldarynyń birte-birte joıylýyna ákep soǵady. Qazir telearnalar men gazetterge ońaı emes, ómir súrýi qıyndap jatyr, barlyq jaǵynan paıda kórip otyrǵan ınternet. Internette eshkimniń aýzyn jaba almaısyń. Bul úlken basymdyq. Jýrnalıser ózderi balama zań jobasyn ázirlep, sol bastamamen shyǵýy kerek", - dep keńes berdi Nazarbaeva.

Senatordyń pikirinshe, parlament qabyrǵasynda júrgen árbir depýtat jýrnalıserge kómektesýge daıyn.

"Árbir depýtat, onyń qaı komıtetke ekenine qaramastan, eń birinshiden, Qazaqstan azamaty retinde eliniń qamyn oılaýǵa ant bergen. Sondyqtan olar árqashanda sizderge kómektesýge daıyn dep senemin", - dep qorytty sózin ol.

Aıta ketsek, keshe otandyq BAQ betterinde jýrnaısterdi sharalarǵa akredıtasıalaý erejeleri qatańdatylýy múmkin degen aqparat shyqty. Aqparat jáne komýnıkasıalar mınıstrligi usynǵan buıryq jobasy jýrnalıserdiń narazylyǵyn týdyryp, qyzý talqyǵa túsken bolatyn.

Qujatta aıtylǵandaı, endi jýrnalısi qandaı da bir sharaǵa tirkegen kezde, olardan eńbek kelisimsharttynyń kóshirmesi de talap etiledi.

Usynǵan: Gúlim Jaqan