QR Aqparat jáne komýnıkasıa mınıstri Dáýren Abaev akredıtasıanyń jańa erejeleri jaıynda «Habar» telearnasyndaǵy «Ashyq suhbat» baǵdarlamasynda aıtyp berdi, dep jazady Qamshy.kz aqparat agenttigi.

Abaevtyń aıtýynsha, mundaı erejeni usynǵan BAQ-taǵy bas redaktorlardyń ózderi eken.

«Biz eshqandaı erejeni qatańdatpadyq. Ol erejeler 2013 jyly qabyldanyp qoıǵan. Biz tek akredıtasıa boıynsha eki pýnkt engizdik. Birinshisi – jýrnalısiń qandaı da bir sharaǵa qatysýy úshin reglamenttiń saqtalýyna jazbasha kelisimi kerek. Bul, menińshe, qalypty praktıka. Siz murajaıǵa, kitaphanaǵa barǵanda, negizgi erejelerdi saqtaısyz ǵoı? Memlekettik organdarmen de solaı. Árqaısysynyń óz reglamenti bar. Ony oryndaýdyń esh qıyndyǵy joq», - dedi ol.

Al akredıtasıa erejesine engizilmek ekinshi pýnkt – jýrnalıspen birge BAQ-pen kelisimin naqtylaıtyn qujattyń kóshirmesi bolýy mindetti. Abaev mundaı bastamaǵa keıbir bas redaktorlar sebepker bolǵanyn aıtady. Sebebi, kóp jaǵdaıda jýrnalıs eshbir redaksıada jumys istemegenimen sharalarǵa sol uıymnyń jýrnalısi retinde qatysa beredi eken.

«Jýrnalıser bul erejelerge jappaı qarsylyq tanytyp jatyr. Ár akredıtasıa saıyn eńbek kelisimshartyn berýge qarsy. Birinshiden, buǵan tek jumys isteıtin orynnan anyqtama, qyzmet kórsetý týraly kelisim jáne eńbek kelisimsharty. Ekinshiden, jýrnalıs bulardy kún saıyn alyp júrmeıdi. Osy erejelerge saı, barlyq sharaǵa akredıtasıa jylyna bir ret qana bolady. Bul jýrnalısiń de, memlekettik organnyń da prosedýrasyn qysqartady», - dedi mınıstr.

 Normatıvtik quqyqtyq aktiler elektrondyq bazasynda aqpannyń 13-kúni jarıalanǵan buıryq jobasynda mınıstrliktiń 2013 jylǵy maýsymdaǵy "jýrnalıserdi akredıtasıalaý qaǵıdalaryn bekitý týraly" №138 buıryǵyna birqatar tolyqtyrý engizý qarastyrylǵan.

Qujat jobasy boıynsha, is-sharadan habar daıyndaıtyn jýrnalıs akredıtasıa berýshi mekemege jeke bas kýáliginiń kóshirmesin tapsyryp, mekemeniń ishki tártibin saqtaýǵa jáne moderator belgilegen reglamenttiń saqtalýyna jazbasha kelisim berýi jáne jýrnalıs pen BAQ arasyndaǵy kelisim-sharttyq qarym-qatynastyń baryn rastaıtyn qujat kóshirmesin usynýy tıis.

Eger tilshide osy qujattar jetispegen jaǵdaıda nemese ótinishtiń mazmuny talaptarǵa sáıkes bolmasa, sonymen birge jıyn, otyrystar men basqa da is-sharalar ótetin ǵımaratta jýrnalıserdi ornalastyrý múmkindigi bolmaǵan jaǵdaıda mekeme jýrnalısi tirkeýden bas tartýy múmkin ekeni aıtylǵan.

Usynǵan: Gúlim Jaqan