Saıragúl Saýytbaı Abzal Quspannyń advokattyǵynan bas tartty dep jazady Qamshy.kz aqparat agenttigi. Bul týraly ol feısbýk áleýmettik jelisi arqyly málimdedi. 

"Men Abzal Quspannyń advokattyǵynan bas tartamyn. Senim hattyń kúshi joıyldy dep sanańyzdar. Meniń atymnan eshqandaı áreketter jasamaýyn suraımyn. Men óz yńǵaıyma keletin áıel advokat meniń quqyǵymdy qorǵaǵanyn qalaımyn. Meniń atymnan júretin advokat tek Aıman Omarova dep sanaýlaryńyzdy suraımyn. Men tek soǵan ǵana senemin. Osy vıdeo arqyly men barlyq qoǵamdyq uıymdarǵa, elshilikterge, sot pen UQK aıtarym osy. Meni májbúrlep basqa advokat usynýlaryńyzdyń qajeti joq. Men tek Aıman Omarovanyń qorǵaýynda ǵana bolǵandy qalaımyn", deıdi Saıragúl Saýytbaı. 

♦Abzal Quspan Saıragúl Saýytbaıdyń isine qatysty: Kúdikten úmit basym

Aıta ketsek, Abzal Quspan osydan biraz ýaqyt buryn óziniń feısbýk paraqshasynda "Saıragúl ózi menen bas tartpasa, men ony qorǵaýdan bas tartpaımyn", dep jazǵan bolatyn feısbýk paraqshasynda. 

Usynǵan: Ásel Bolatqyzy