Astana qalasynda kóp balaly analar ákimshilik qyzmetkerlerinen qazaq tilinde sóıleýdi talap etti dep jazady Qamshy.kz aqparat agenttigi Azattyqtyń deregin negizge alyp. 

Astana konserttik zalynyń foıesinde ótýi tıis "Ashyq esik aptasy" kezinde ákim orynbasary Nurlan Núrkenov sózin orys tilinde bastady. Biraq kópbalaly analar onyń memlekettik tilde sóıleýin talap etti.

♦"Kóp balaly analardyń balalaryn tegin kýrsqa shaqyramyn" (vıdeo)

Narazylyq bildirgen bir adamnyń jaǵdaıy kúrt nasharlap, ony dalaǵa shyǵarýǵa týra kelgen. Konsert zalynyń qyzmetkerleri halyqty barynsha tynyshtyq saqtaýǵa shaqyrdy. Alaıda olarynan túk shyqpaǵan. 

Astanadaǵy kóp balaly analar jıynyna qala ákimi Baqyt Sultanov kelgen. Tańerteńnen beri “Astana” konsert zalyna jınalǵan júzden astam áıel áleýmettik máselelerin aıtyp, qala ákiminiń kelýin talap etken edi.

♦"Bul bir kúnde sheshilmeıdi": Astanalyq kóp balaly analar Baqyt Sultanovqa talap qoıdy (vıdeo)

Narazy top aldynda birneshe mınýt sóılegen Baqyt Sultanov aýdan ákimdikteriniń kóp balaly analardyń shaǵymdaryn jınaýǵa kiriskenin, mundaı shaǵymdar arasynda analar buǵan deıin aıtyp kelgen járdemaqy mólsherin kóbeıtý máselesi de baryn jetkizdi. Ákimniń aıtýynsha, bul shaǵymdar úkimet janynan qurylǵan jumys tobyna tapsyrylady.

Usynǵan: Ásel Bolatqyzy