Eski jyl aıaqtalyp, jańa jyl bastalysymen ınstagram betterinen juldyzdardyń jany jaı taýyp, shet elde júrgen fotosýretteri men vıdeolaryn jıi baıqaımyz. Jyl boıyna toı men shoýdan qarajat jınaǵan ánshiler shynynda, qaı elde jıirek demalǵandy qup kóredi? Sonymen...
Únemi jubaıyn janynan tastamaıtyn qyraǵy óner ıesi Búrkittiń bul jolǵy kınotýyndysy sátti bolyp, qaltasyn qampaıtty ma, otbasymen birge Balı araldaryn aralap júr.
Al, keshe ǵana taǵy otbasyn quryp, eldi dúrliktirip, talaı synnyń astynda qalǵan Aıqyn ekinshi kelinshegi Juldyzben birge Maıamıde qydyryp qaıtty. Aıtpaqshy, bul alǵashynda ekinshi jaryn elden jasyryp álek bolǵan Aıqynnyń Juldyzben birge alǵashqy saıahaty emes.
Al, qazaq estradasy sulýlyǵynyń etalonyna aınalǵan Madına Sadýaqasova da áriptesterinen qalyspaı sińlisimen birge Taıland eliniń tańǵajaıyptaryn tamashalap qaıtty. Osy rette Qamshy.kz aqparat agenttiginiń tilshileri Madınadan suhbat aldy.
–«Bul joly Taıland elin tańdadym. Otbasymdaǵy 3 qyz jáne bala-shaǵamyzben birge qydyryp keldim. Taıland eliniń tabıǵaty tańǵajaıyp, keremet qoı. Aldymen teńizge túsip, kúnge qyzdyrynyp, ekzotıkalyq jemis-jıdek jep, biraz rahattandyq. Balalar úshin de qolaıly boldy. Sebebi, neshe túrli shoýdy da tamashaladyq. Maǵan shet elge saıahattaýǵa únemi joldasym kómektesedi. Shyǵys elinde taı massajyn qabyldap, densaýlyǵymyzdy túzedik. Men úshin umytylmas qyzyqty saıahat boldy. Negizi jylyna 2 ret shet elge otbasymyzben birge shyǵyp turamyz».
Alaıda qansha saıahatqa qansha aqsha jumsaǵanyn Madına Sadýaqasova ashyp aıtpady.
Qara bala Nurjan Kermenbaevtyń da «otanasymen birge» degen fotolaryn áleýmettik jeliden kórip, ánshiniń otbasymen birge Malaızıa elinde demalyp jatqanyn kórdik. Bul onyń jubaıy Nazerkemen birge alǵashqy shetelge saıahaty.
Desek te, toı merzimi saıabyrsyp, konsertten de qol úzgen ánshilerdiń qysqy kanıkýly qyzyqsyz ótpegen sıaqty. Dese de, demalys úshin shet eldiń esigin qaqqan ánshilerdiń bul joly qaltalary biraz qaǵylǵan bolar. Armandaǵan elderin kórýge asyqqan olardyń az qarajat jumsamaǵany belgili. Endi shet elde biraz tynyqqan olardan halyq tyń hıt týyndylar kútedi.
