Sınoptıkterdiń naýryz aıyna jasaǵan boljamy Almatydaǵy tótenshe jaǵdaı qyzmetiniń mamandaryn qatty alańdatyp otyr. Olar tasqynnyń aldyn alýǵa tehnıka saılap, qazirden bastap qamdanýǵa kirisken dep habarlady Qamshy.kz aqparat agenttigi KTK telearnasynyń deregin negizge alyp. 

Óıtkeni qalada qyzyl sý basýy múmkin 12 aýmaq bar. Olar Alataý, Naýryzbaı, Jetisý aýdandarynda. Eki jyl buryn tasqynǵa tosqyn bolý úshin qala qazynasynan 12 mlrd 700 mıllıon teńge bólinipti. Bul qyrýar qarjy tótenshelikter úshin jetkiliksiz bolǵan kórinedi. Alyp shaharda aryq júıesi áli de júrgizilmegen aýdandar bar ekenin mamandar moıyndap otyr. Aldaǵy ýaqytta bul olqylyqtyń ornyn toltyryp, tasqynnyń aldyn alýǵa tas túıin daıyn bolamyz deıdi qutqarýshylar. Bıyl taý jaqta qar jyldaǵydan kóp túsken. Sondyqtan taýly aımaqtarda kóshkin júrýi de yqtımal.

Erlan Álibekov, Almaty qalasy TJD bastyǵynyń orynbasary:

— Taýly aımaqtarda qardyń bıiktigi 46-86 sm quraıdy. Qatqan jerdiń qalyńdyǵy 20 sm. Tabıǵı jáne tehnogendi tótenshe jaǵdaılardyń saldaryn joıýǵa Almaty ákimdigi rezervinde 5 mlrd teńge qarastyryldy. Aı sońynda qalanyń segiz aýdanyn qoqystan tazartý jáne ózen arnalaryn tazartý jumystary júrgiziletin bolady.

Usynǵan: Ásel Bolatqyzy