Búgin Májilistiń Qarjy jáne búdjet komıtetiniń otyrysy ótip, onda Premer-Mınıstrdiń birinshi orynbasary - Qarjy mınıstri laýazymyna Álıhan Smaılovtyń kandıdatýrasy kelisildi, dep habarlaıdy Qamshy.kz aqparat agenttigi QR Parlamenti Májilisiniń baspasóz qyzmetiniń deregin negizge alyp. 

Bul másele «Qazaqstan Respýblıkasynyń Parlamenti jáne onyń depýtattarynyń mártebesi týraly» Qazaqstan Respýblıkasy Konstıtýsıalyq zańynyń 22-1-babyna sáıkes Komıtet otyrysynda qaraldy. Qazaqstan Premer-Mınıstriniń atynan kandıdatýrany Premer-Mınıstr Keńsesiniń Basshysy Nurlan Aldabergenov tanystyrdy. Májilis depýtattarynyń aldynda sóz sóılegen N.Aldabergenov A.Smaıylovtyń qarjy sektorynda mol tájirıbesi bar ekendigin atap ótti.

Májilis komıtetiniń músheleri Á.Smaıylovqa birqatar suraqtar qoıdy. Talqylaýdan keıin tıisti Qorytyndy qabyldady. Komıtet otyrysynyń qorytyndysy boıynsha «Qazaqstan Respýblıkasy Parlamenti Májilisiniń Qarjy jáne búdjet komıteti «Qazaqstan Respýblıkasynyń Parlamenti jáne onyń depýtattarynyń mártebesi týraly» Qazaqstan Respýblıkasy Konstıtýsıalyq zańynyń 22-1-babyna sáıkes Qazaqstan Respýblıkasynyń Premer-Mınıstri usynǵan Álıhan Asqanuly Smaıylovtyń kandıdatýrasyn qarap, atalǵan kandıdatýrany Premer-Mınıstrdiń birinshi orynbasary - Qazaqstan Respýblıkasynyń Qarjy mınıstri laýazymyna taǵaıyndaý úshin usynýǵa bolady dep esepteıdi. Otyrys sońynda depýtattar kandıdattyń aldaǵy jumysyna sáttilik tiledi.