Qos mereke – Otan Qorǵaýshylar jáne Jeńis kúnderi qarsańynda dástúr boıynsha soǵys ardagerlerin, qarttardy stýdenttermen qaýyshtyrý ádetke aınalǵan. Bıylǵy kezdesý 30 sáýir kúni QazUÝ-niń «Aınalańdy nurlandyr» baǵdarlamasy aıasynda Jeńistiń 70 jyldyǵy qurmetine arnalǵan fılologıa, ádebıettaný jáne álem tilderi fakúlteti jalpy til bilimi jáne shetel fılologıasy kafedrasynyń uıymdastyrýymen Almaty qalasyndaǵy qalalyq qarttar úıinde boldy. Qart ardagerlerdiń «tórt jyldaı fashısermen soǵysyp «erlik jasamaı» surapyl soǵystan tiri oralǵanym, 85-ten asqansha jumys istegenim ańyz ǵoı,»-, dep baıandaǵany patrıottyq sezimdi oıatty. Ózderi jáne soǵys jaıynda mándi ári naqty adam sengisiz derekterdi keltirip, surapyl soǵystyń maıdanyn kóz aldymyzǵa elestetip, bir akademıalyq ýaqyt sheńberinde áńgime suqpatyn aıtty. Tiri áke-sheshesi bola turyp balalyq shaqty kórmegeni, mektepte oqyǵany, birneshe asharshylyq kezeńderden ótkeni, elden elge kúshtep kóshirilgeni týraly sóz qozǵaǵanda, jastardyń arasynan, «...aı, jalǵan zaman-aı, kóp jasap ımandy bola berińiz...», degen sózder de estilip jatty. Jasyna qaramaı sergek aqsaqaldardyń aıtýy boıynsha, alǵashynda bizderdi tek jumys batalıonyna alsa, sonan Jambyldyń úndeýi shyqqan soń ǵana soǵysqa shaqyryla bastadyq dedi. Soǵys mezgilinde qarý-jaraqsyz, birneshe kún tamaqsyz qalǵandaryn, qarý quraly esebinde bótelkege quıylǵan jarylǵysh zattary ǵana bolǵanyn, al fashıserdiń motorly kólikteri, avtomatty qarýlarymen soǵysqanyn qynjyla ári batyrlana aıtty. Qyzyǵy, osynsha kúnderdi basynan keshirip júrgenin, batyrlyq jasadym demeıdi, «sol kezdegi qatardaǵy jaýyngerdiń biri edim,»-, dep qorytyndylady. Soǵystan oralǵan soń temirjolda tirkeýshi jáne túrli jumystar atqaryp, mal asyrap seksennen asqansha otbasynda otyryp qalmaı jumystan qol úzbepti, jubaıynan toǵyz jyl buryn aıyrylǵan soń, teńdesterimmen birge bolıyn dep qarttar úıin meken etken eken. Taǵy da bir aqsaqalymyz soǵys jyldarynda mektep jasyna tolmaı turyp maqtanyń qaýashaǵyn arshyp, kúnine 20 keli maqta ótkizgeni úshin nanǵa talon alǵanyn, sol beınettiń zeınetin qazirgi kezde zeınet aqyǵa Prezıdenttiń jarlyǵymen qosa teńge tóleýde dep rızashylyǵyn aıtsa, taǵy biri bıdaıdyń masaǵyn tergenin qyzyqty mánmen aıtyp, jerdi oǵan qosa eldi súıýdiń maǵnasyn baıandaı otyryp, qazirgi zamanda ómir súrip júrgender ata men ájelerine boryshty ekenin tyńdaýshylarǵa áserlep jetkizdi. Ata-babalarymyzdyń bastaǵan jolyn jalǵastyrý úshin kúndelikti oqýdan áskerılerdeı tártipte joǵary deńgeıde tereńdete úzbeı bilim alyp, otanymyzdyń qajetti, suranysqa ıe mamany bolýǵa otyrǵandardy shaqyrdy. Kezdesý mándi ótti. Soǵys jáne tyl ardagerlerine estelik retinde stýdentterdiń qolymen daıyndalǵan, jasalǵan óner týyndylaryn usynylyp, alǵys pen qurmet kórsetildi. Biz búgin Jeńis kúnimizdiń jetpisinshi kóktemin qarsy alýdamyz. Egemendi el boldyq, qandastarymyzdyń sany kóbeıýde, jerimiz kórkeıip, elimiz qarqyndap damý jolynda. İrgemiz berik, qadamymyz qutty. Mine osyndaı ardager aqsaqaldar bolǵany úshin bizder baqyttymyz, olardyń jetistikteri men otbasynyń kóbeıip óskenine kýágermiz, elimiz soǵys-tyl ardager-batyrlaryna kóp jaqsylyq kórsetip, toqshylyqta, beıbitshilikte ómir súre berýine múmkinshilik jasap, maıdanger aqsaqaldaryn bastaryna kóterip, qoshamet kórsetýde ekenine qýanamyz.
Uıymdastyrýshylar: S.A. Sýleımanova, N.A. Ýtemgalıeva, A.T. Alıakbarova, G. Iskakova
Daıyndaǵan: S.A. Sýleımanova
