Keshe Máskeýde Germanıa kansleri Angela Merkel hanym RF Prezıdenti Vladımır Pýtınmen kezdesti, dep habarlaıdy Rıa Novostı.
9 mamyr qarsańynda Merkeldiń Máskeýge barýyn Batys jýrnalıseri syńarjaq bajaılaǵanymen, Angela Merkel saparynyń maqsaty bólek edi.
Birinshiden, Ekinshi dúnıejúzilik soǵystyń aıaqtalǵanyna, jeńistiń 70 jyldyǵyna oraı, eki el basshylary "Belgisiz jaýyngerdiń" monýmentine gúl shoqtaryn qoıyp, taǵzym jasady. Bul jeńimpaz Keńester odaǵynyń murageri - Reseı úshin abyroı, mindet sanalsa, jeńilis tapqan sol kezdegi fashısik, qazirgi bitimger - Germanıa úshin soǵys qurbandaryna, ardagerlerge qurmet bolǵandaı. Merkel hanym bul qadamy arqyly - ózderiniń boıyndaǵy "fashızmdi" jeńgendikterin kórsetti. Pýtın myrza she?
Ekinshiden, Merkel hanym Máskeýge resmı is-saparmen keldi. Ol Kremlde V. Pýtınmen eki el arasyndaǵy yntymaqtastyqtyń keleshegi týraly sóılesti. Aldaǵy ýaqytta da halyqaralyq máselelerdi birlesip sheshýge, eki jaqty qatynasty kúsheıtýge qatysty máselelerdi talqylady. Eki el basshylarynyń kezdesýi 2 saǵatqa sozylyp, nátıjesinde RF men EO arasyndaǵy baılanysty arttyrý, Ýkraına daǵdarysyn birlesip sheshý týraly kelisimderge qol qoıyldy. Al Donbasstaǵy jaǵdaıǵa retke keltirýge qatysty Pýtın men Merkel "Normad tórttigi" formatynda kelissózder ótkizý týraly kelisimge keldi.
Ashyq kelissózder barysynda Germanıa kansleri "saıası turaqsyzdyq jáne daǵdarys kezeńinde EO men RF-nyń birlesip jumys isteýi mańyzdy jáne biz máseleni sheshýdiń dıplomatıalyq jolyn qarastyrýymyz kerek", dedi. "Sonyń ishinde búkil álemniń nazaryndaǵy "Ýkraına daǵdarysy" búgingi kúnniń basty máselesi bolyp otyr jáne ol álemdiń mashstabtaǵy másele",-dedi Angela Merkel.
Al Reseı Prezıdenti Pýtın myrza, "2014 jylǵy Kıev bıligindedi "antıkonstıtýsıalyq" memlekettik tóńkeristerge qatysty Eýro odaq elderi men Reseı kózqarastary bir údeden shyqpasa da, biz Ýkraına daǵdarysyna qatysty, ondaǵy jaǵdaıdy retke keltirýde ary qaraı birlesip jumystar atqarýǵa daıynbyz",-dedi. Sondaı-aq Pýtın, normad formaty dep atalatyn (quramynda RF, Germanıa, Fransıa jáne Ýkraına bar) kelissózder óziniń tıimdiligin kórsetip otyr. Biz dál osy formatta talqylaýlar ótkizýimiz kerek,dedi Pýtın myrza.
Aıtpaqshy, Pýtın óziniń sóziniń sońynda, Mınsk kelissózderine qatysty, "prosester belgili bir deńgeıde suraqtarǵa jaýap taýyp bergenimen, keıbir kúrdeli máselelerdi sheshýge qaýqarsyzdyq tanytady", dedi.
Merkeldiń Máskeýge saparynyń negizgi maqsaty - Ýkraına daǵdarysyn sheshýge baǵyttalǵan. Iá, basqa-basqa emes, Germanıa Ýkraına daǵdarysyna, Qyrym anneksıasyna, Donesk Respýblıkasy men Lýgansk Respýblıkalaryndaǵy máselelerge qatysty bitimgerlik júrgizip otyrǵan eki memlekettiń biri bolyp otyr ǵoı.
Nurgeldi Ábdiǵanıuly
