«Nur Otan» partıasynyń kezekti XVIII sezinde Bas partıanyń logotıpi jańardy. Jańa logotıpti partıa tóraǵasynyń birinshi orynbasary Máýlen Áshimbaev tanystyrdy. Usynylyp otyrǵan logotıpte kúnniń 17 sáýlesi beınelengen. Qazaq tiliniń latyn álipbıine kóshýine baılanysty partıa ataýy latyn árpimen jazylǵan. Partıa tóraǵasynyń birinshi orynbasary logotıp týraly bylaı dep túsindirip ótti.

«Sońǵy bes jyldyń ishinde zańnamalyq ózgerister men jańa tájirıbelerge sáıkes, partıa jarǵysyna keıbir normalardy engizý qajettigi týyndap otyr. Eń aldymen, qazaq tiliniń latyn álipbıine kóshýine baılanysty partıanyń memlekettik tildegi ataýynda latyn áripterin qoldaný usynylýda. Ekrannan partıanyń jańartylǵan logotıpin kórýlerińizge bolady. Usynylyp otyrǵan logotıpte kúnniń 17 sáýlesi beınelengen. Ol bizdiń oblystarymyz ben Almaty, Shymkent, Astana qalalaryn sımvolıkalyq turǵyda beıneleıdi. Osy rette partıanyń latyn álipbıindegi ataýyn - Partıa Tóraǵasynyń óz qolymen jazǵanyn atap ótkim keledi».