Túrkistan oblysynyń barlyq aýdandyq emhanalarynda kópbalaly analarǵa arnalǵan «Ashyq esik» kúnderi ótýde. Atalǵan shara QR Densaýlyq saqtaý mınıstrligi men Túrkistan oblysy ákimdiginiń  uıymdastyrýymen qolǵa alyndy, dep habarlaıdy Qamshy.kz aqparat agenttigi.

«Ashyq esik» kúnderi aıasynda dárigerler kópbalaly analardy aqysyz medısınalyq tekserýden ótkizip, medısınalyq saraptamalardan ótýge shaqyrady. Buǵan deıin “Ashyq esik” kúni Saryaǵash, Arys, Shardara, Túlkibas, Báıdibek aýdandyq ortalyq aýrýhanalarynyń emhana bóliminde ótti. Emdeý ortalyqtarynda josparlanǵan ana men bala densaýlyǵyn jaqsartý jáne medısınalyq qyzmetke qol jetimdilikti arttyrý maqsatynda aýqymdy sharalar ótip jatyr. Medısınalyq jáne áleýmettik psıhologıalyq kómek júzdegen kópbalaly anaǵa jalpy tájirıbeli dáriger, gınekolog, psıholog, nevropatolog, pedıatr, hırýrg, travmatolog-ortoped mamandary qabyldap, em kórsetýde.

Aıta keterligi, Túrkistan oblysynyń barlyq aýdandyq emhanalarynda kóp balaly analar kezekten tys qabyldanady. Sondaı-aq, tegin medısınalyq kómektiń kepildendirilgen kólemi negizinde dárigerdiń nusqaýymen dári-dármekpen tolyq qamtamasyz etiledi. Qazirgi tańda árbir aýdandyq aýrýhanada 10 arnaıy palata jumys isteıdi. «Ashyq esik» kúnderi sharasy naýryz aıynyń sońyna deıin jalǵasady.

Usynǵan: Nazerke Labıhan