Búgin naýrzydyń 1-i memleket basshysy Nursultan Nazarbaevtyń Jarlyǵymen Qazaqstannyń burynǵy premer-mınıstri Baqytjan Saǵyntaev Memlekettik hatshy bolyp taǵaıyndaldy dep habarlaıdy Qamshy.kz aqparat agenttigi Aqordanyń resmı saıtyna silteme jasap.

"Baqytjan Ábdiruly Saǵyntaev Qazaqstan Respýblıkasynyń Memlekettik hatshysy bolyp taǵaıyndalsyn", - delingen Elbasy qol qoıǵan Jarlyqta.

Aıta keteıik, Baqytjan Saǵyntaev

• 1985 jyldan - Almaty halyq sharýashylyǵy ınstıtýtynda saıası ekonomıka kafedrasynyń oqytýshysy.
• 1988 jyldan - S.M. Kırov atyndaǵy Qazaq memlekettik ýnıversıtetiniń áleýmettaný kafedrasynda asıstent, aǵa oqytýshy, dosent.
• 1992 jyldan - komersıalyq qurylymdarda basshylyq qyzmetter atqarǵan.
• 1998 jyldan - Jambyl oblysy ákiminiń orynbasary.
• 1999 jyldan - QR Shaǵyn bızneske qoldaý kórsetý jónindegi agenttigi tóraǵasynyń orynbasary.
• 2000 jyldan - «Shaǵyn kásipkerlikke qoldaý kórsetý qory» JAQ basqarmasynyń tóraǵasy.
• 2001 jyldan - QR Tabıǵı monopolıalardy retteý, básekelestikti qorǵaý jáne shaǵyn bızneske qoldaý kórsetý jónindegi agenttigi tóraǵasynyń birinshi orynbasary.
• 2004 jyldan - QR Tabıǵı monopolıalardy retteý jónindegi agenttiginiń tóraǵasy.
• 2007 jyldan - QR Premer-mınıstri Keńsesiniń jetekshisi.
• 2008 jyldan beri - Pavlodar oblysynyń ákimi.
• 20 qańtar—24 qyrkúıek 2012 jyl aralyǵynda — Qazaqstan Respýblıkasynyń ekonomıkalyq damý jáne saýda mınıstri.
• 2012 Qyrkúıek—2013 qańtar — «Nur Otan» HDP-nyń tóraǵasynyń birinshi orynbasary.
• 2013 jyl 16 qańtardan bastap jańadan qurylǵan Qazaqstan Respýblıkasynyń Óńirlik damý mınıstri jáne QR Premer-mınıstrdiń birinshi orynbasary.
• 2013 jyldyń 6 qarashasynda Memleket basshysynyń Jarlyǵymen Premer-Mınıstrdiń Birinshi orynbasary – QR Óńirlik damý mınıstri qyzmetinen bosatylyp, QR Premer-Mınıstriniń Birinshi orynbasary bolyp taǵaıyndaldy.
• 2014 jylǵy 7 sáýirden Qazaqstan Respýblıkasy Premer-Mınıstriniń birinshi orynbasary.
• 2016 jyldyń 10 qyrkúıeginen 2019 jyldyń 22 aqpanyna deıin QR Premer-mınıstri boldy.