Bul týraly Belarýs basshysy 1 naýryz kúni málimdedi dep habarlaıdy Qamshy.kz aqparat agenttigi forbes.kz saıtyna silteme jasap. 

Belarýs prezıdenti Aleksandr Lýkashenko Reseımen biryńǵaı valúta engizý jáne biryńǵaı emısıalyq ortalyq qurý bastamasyn qoldaıdy. Bul týraly memleket basshysy juma kúni Mınskte ótken "Úlken áńgimede" málimdedi.

Belorýs basshysy "Máskeý sóıleıdi" radıostansıasynyń bas dırektory Vladımır Mamontovtyń Odaqtyq memleket týraly suraǵyna jaýap berý barysynda biryńǵaı valúta jaıly sóz qozǵady. Lýkashenko sońǵy kezde qoǵamda biryńǵaı valúta jaıly jıi aıtylyp júrgenin jáne ol júıeniń engizilýine qarsy emestigin atap aıtty. 

- Búgin bizge valúta usyndy. Qoldaımyz! Árıne, ol rúbl bolady, – dep málimdedi Belorýs memleketiniń basshysy.

Prezıdent ol valútanyń belorýstyń da, reseıdiń de rýbli emes, ortaq valúta bolýy kerektigin basa aıtty. Sonymen qatar, biryńǵaı emısıalyq ortalyqtyń qaı jerde bolatynyn da anyqtap alý qajet. 

- Mınskte me? Joq, Smolenskte. Onyń qaıda bolatyny mańyzdy emes. Meıli, Reseı prezıdentiniń Otany - Pıterde-aq bolsyn. Ol meniń súıikti qalam,  – dedi óz sózinde Lýkashenko.

Belorýs prezıdentimen bolǵan "Úlken áńgime" 1 naýryz kúni Mınkste ótti. Aleksandr Lýkashenkomen kezdesýge, shamamen, eki júzdeı  jýrnalıs, sarapshy, sheneýnik keldi.