Almatyda Qazaqstan sýperkýbogy úshin bolǵan machta elordalyq «Astana» alań ıeleri «Qaıratty» 2:0 esebimen oısyrata jeńdi dep jazady Qamshy.kz aqparat agenttigi prosports.kz saıtyna silteme jasap.

Jeńimpaz komandadan eki goldy da Jýnıor Kabananga soqty.

Oıyn aldynda "Astana" FK bapkeri Roman Grıgorchýk Kabananga jaıly: "ol eń jaqsy oıyn kórsetken óz kezeńine qaıta oralyp jatyr" - dep, oıynshyǵa úmit artatynyn atap ótken.

"Astana" osymen Qazaqstan sýperkýbogyn tórtinshi márte jeńip otyr

"Astana" — "Qaırat" 2:0 (1:0)

Goldar: Kabananga 7 (1:0), Kabananga 67 (2:0)

Eskertýler: Beısebekov 45, Postnıkov 56

Alańnan qýyldy: Eseola 84 (Qaırat).

Eske salsaq, sýperkýbok – ótken jylǵy el Kýbogynyń ıegeri men fýtboldan Qazaqstan chempıonaty jeńimpazynyń arasyndaǵy mach.   

2015 jyldan beri sýperkýbok úshin talas "Astana" men "Qaırat" klýbtary arasynda ótip keledi. Elordalyq fýtbolshylar qazirgi ýaqytta Qazaqstan chempıony ekenin aıta ketken jón.   

Usynǵan: Maqpal Sembaı