«Nurly jer» memlekettik baǵdarlamasynyń turǵyn úıin «7-20-25» baǵdarlamasy arqyly satyp alýdyń algorıtmi páterdi jeke qurylys kompanıalar arqyly satyp alý tetigine uqsas, dep habarlaıdy Qamshy.kz aqparat agenttigi «Baspana» ıpotekalyq uıymynyń deregin negizge alyp. Aıyrmashylyǵy turǵyn úıdiń satýshysy jergilikti ákimdikter bolatyny ǵana.
Birinshi qadam. Ákimdikter páter ótkizýdi bastaý jáne turǵyn úı sanynyń «7-20-25» baǵdarlamasynyń qatysýshylary úshin jetkilikti ekeni týraly habarlaǵannan keıin ákimdikke ótinish jasap, unaǵan páterdi brondaý qajet. Sondaı-aq, «7-20-25» baǵdarlamasyna qatysýshy bankterdiń birine baryp, kredıt alýǵa ótinish jazady jáne barlyq qajetti qujattardy tapsyrady. Barlyq qajetti qujattardyń bankke tapsyrylǵany týraly ákimdikke habarlaý jáne qajet bolǵan kezde brondi uzartý qajet.
Ekinshi qadam. Bank qaryz alýshynyń barlyq qujattarynyń «7-20-25» baǵdarlamasynyń talaptaryna sáıkes kelýin qaraıdy jáne ıpotekalyq kredıt berýdi maquldaıdy (ne maquldamaıdy). Eger ıpoteka maquldansa, qaryz alýshy bankten kepildik hatyn alyp, ákimdikke beredi. Ákimdik satyp alý-satý shartyn daıyndaıdy.
Úshinshi qadam. Notarıýs satyp alý-satý shartyn kýálandyrýǵa tıis. Budan keıin banktiń sheshimi jáne onyń kelisýi boıynsha qaryz alýshy bastapqy jarnany ne bankke, ne ákimdiktiń shotyna engizedi. Qaryz alýshy satyp alý-satý shartyn «Azamattarǵa arnalǵan úkimet» memlekettik korporasıasy» KEAQ-ta (HQKO) nemese notarıýs arqyly (EGOV.KZ onlaın) tirkeıdi. Tirkelgen satyp alý-satý shartyn bankke tapsyrý qajet.
Tórtinshi qadam. Ótinish berýshi bankte: qaryz shartyna, tólem jasaý kestesine, satyp alynatyn turǵyn úıdi kepilge qoıý shartyna qol qoıady. Qaryz alýshy satyp alynatyn turǵyn úıdi kepilge qoıý shartyn «Azamattarǵa arnalǵan úkimet» memlekettik korporasıasy» KEAQ-ta (HQKO) nemese notarıýs arqyly (EGOV.KZ onlaın) tirkeıdi. Satyp alynatyn turǵyn úıdi kepilge qoıý sharty memlekettik tirkelgennen keıin bank qaryz somasyn ákimdikke aýdarady.
Besinshi jáne kóńilge eń unamdy qadam. Azamat jańa páterdiń kiltin alyp, óziniń menshikti turǵyn úıine kóshedi.
Usynǵan: Ásel Bolatqyzy
