2018 jyldyń 13 naýryzy QR Premer-mınıstrdiń orynbasary Gúlshara Ábdiqalyqova bastaǵan bri top shendi Atyraý oblysyna saparlary barysynda kóp balaly otbasylardyń úıin aralady. Ábdiqalyqovanyń mundaǵy maqsaty – áleýmettik jaǵdaıy tómen tuǵyndardyń muń-muqtajyn estip, múshkil halderin óz kózimen kórý edi. 

Kóp balaly áıeldermen QR Eńbek jáne áleýmetti qorǵaý mınıstri Berdibek Saparbaev ta kezdesti. Óz qıyndyǵyn  bılikke jetkizgen analardyń armany oryndalsa deımiz. Alaıda jaqsylyq jasamaq nıetpen kóp balaly otbasylardyń úıine tikeleı kirgen shendiler taǵy da halyqtyń synyna qaldy. Oǵan dálel myna sýret: 

Sýretti óz paraqshasyna salǵan áleýmettik jeli belsendisi Natalá Sadyqova búı dedi:

«Úkimet basshysynyń orynbasary halyqqa óz aıaǵymen barypty-mys. Kóp balaly otbasylar sheneýnikti úılerine qýana kirgizdi. Biraq, Ábdihalyqova óziniń brend aıaq kıimin sheshkisi kelmepti, tipti osyndaı jaǵdaıda. Qarańyzdarshy, kóp balaly ana men balasy jalań aıaq, al Ádihalyqova etigimen tur. 

Bálkim, Ábdihalyqova hanymdy kóp balaly otbasylardyń jaǵdaıy alańdatpaıtyn da shyǵar, bálkim alańdatar, kim bilsin. Biraq, kishkene bolsa da qarapaıymdylyq tanytyp qoısańyzdar qaıtedi?! Halyq bárine kýá».

Sheneýnikterden shańyraqty syılaýdy talap etken halyqtyń ashýy qara qazandaı. Ony tómende jazylǵan myna pikirlerden kóre alasyzdar.

Aıta keterligi, shańyraqqa aıaq kıimimen kirip ketken tek qana Ábdiqalyqova emes, onymen erip barǵan top ta jyltyraǵan etikterimen tur. 

Halyq aıtsa, qalt aıtpaıdy... Bul sýretterdiń bergi jaǵy ǵana. Ar jaǵyndaǵy jaǵdaı bizge beımálim. Bálkim, aıaq kıimderimen kirýge analardyń ózi qarsy bolmaǵan shyǵar. Degenmen, shańyraqty qadir tutqan, kıeli sanaǵan qazaq ony «qorlaǵandardy» jerden alyp, jerge salatyn kúıge jetedi. Bul da sonyń kebi. 

Gúlim Jaqan