Erlan Saırov, saıasattanýshy

Táýelsiz el bolyp es jıǵaly qyrýar sharýa atqaryldy. Jasyratyny joq, qıyn kezeńder birte-birte artta qalyp, arqa-basymyz keńeıdi. Endigi másele — halyqtyń áleýmettik jaǵdaıyn tómendetpeýge barlyq jaǵdaı jasaý. Óıtkeni, memlekettiń basty baılyǵy – adam. Elbasy da áleýmettik máselelerdi sheshýge basa mán berip jatyr.

Halyqtyń áleýmettik turǵydan álsiz toptary úshin iri qalalarda jaldamaly turǵyn úı qurylysyn ulǵaıtý kózdelgen. Aǵa urpaqqa qamqorlyq kórsetý, jastarǵa tálimgerlik, múgedekter men az qamtylǵan otbasylarǵa qamqorlyq kórsetý sıaqty bastamalar kóterilýde. Almaty máslıhaty­nyń depýtattary «Baqytty otbasy» áleýmettik baǵdarlamasyn júzege asyrýǵa qarjy bólýdi qoldady.

Qazirgi tańda qoǵamymyzdaǵy turmysy tómen otbasylaryna degen kózqaras ózgergeni bárimizge belgili. Memleket tara­pynan halyqty áleýmettik qoldaý nysandy ári ataýly sıpat alǵan jaǵdaıda ǵana nátıjeli bolady. Memleketimiz qoǵamnyń osyndaı kómekke asa zárý múshelerin qoldaýǵa mindetti jáne sol úshin jaýapker­shilikti is júzinde ózine alyp otyr. Eń aldymen, balalar, kópbalaly analar.

Memleket áleýmettik saıasat ustanǵan jaǵdaıda ǵana elimiz óziniń órkendi damý jolyna túsetinin ómirdiń ózi kórsetip berdi.