Jańa Zelandıadaǵy meshitte atys boldy dep habarlaıdy Qamshy.kz aqparat agenttigi sheteldik BAQ-tyń deregin negizge alyp. Sumdyq oqıǵa Kraıscherch qalasynda oryn alǵan. Atystyń saldarynan qaza tapqandardyń sany 27-ge jetti. 

Qazir qaladaǵy mektepter men aýrýhanalardy jaýyp tastady. Sondaı-aq bılik qala turǵyndaryna úıden shyqpaý kerektigin eskertti. 

Meshitke shabýyl jasaǵan jigit ózin Brentom Tarant dep tanystyrdy. 28 jastaǵy avstralıalyq óziniń terakt jasaǵanyn moıyndady.

Meshitke shabýyl jasaǵan qylmysker ekeý bolǵan. Biri Ál-Nur meshitine jaqyndaǵan kezde ekinshi qylmysker tikeleı efır arqyly vıdeoǵa túsirgen. Vıdeodan meshitke shabýyl jasaǵan jigittiń kóliginen qarý-jaraq alyp jatqanyn kórýge bolady. Kóliktiń aldyńǵy jáne artqy ornynda qarý-jaraq kóp ekeni de baıqalady. Qarý-jaraqty asynǵan kúıi meshitke basa kóktep kirip, ońdy-soldy oq ata bastaıdy. Araǵa 3 mınýt salyp qylmysker meshitten shyǵady da, kóshedegi kólik júrgizýshilerine birneshe ret oq atady. Keıin birneshe oq-dárini alǵan soń meshitke qaıtadan kirip, tiri qalǵandardyń bar-joǵyn teksermek bolady. Birneshe ret oq atqan soń, kólikke minip, joǵary jyldamdyqpen oqıǵa ornynan qashyp ketedi. 

Aýdarǵan: Ásel Bolatqyzy