Prezıdenttiń tapsyrmasy boıynsha az qamtylǵan otbasylardyń kirisin sanaý kezinde járdemaqynyń tórt túri eseptelmeıdi. Bul týraly májilistiń plenarlyq otyrysynda Eńbek jáne halyqty áleýmettik qorǵaý mınıstriniń orynbasary Svetlana Jaqypova aıtyp berdi dep habarlaıdy Qamshy.kz aqparat agenttigi Astana telearnasyna silteme jasaı otyryp. 

Jaqypova: Elbasynyń tapsyrmasymen osy másele qarastyrylýda.Ol járdemaqynyń 4 túri eseptelmeýi múmkin ekendigin alǵa tartty.

Vıse-mınıstr kóp balaly otbasylarǵa, "Altyn" jáne "Kúmis alqa" ıegerlerine beriletin memlekettik járdemaqy, múgedek balalarǵa qarastyrylǵan tólem jáne shárkirtaqy da kiriske jatpaıtynyn aıtty.

Sondaı-aq vıse-mınıstrdiń sózinshe, jumysqa qabiletti azamattyń otbasylary ataýly áleýmettik kómek ala almaıdy.Jaqypova olar usynylǵan jumystan birinshi ret bas tartsa, tólemniń 50 paıyzynan, al ekinshi ret járdemaqydan múlde qaǵylatynyn eskertti. Sáýirden bastap 832 myń kópbalaly jáne az qamtylǵan otbasylarǵa beriletin járdemaqy úshin bıyl búdjetten 94 mlrd teńge qarastyrylǵan.

Al tólemdi kúnkórisi qıyn otbasylar alady. Vıse-mınıstr azamattar memlekettik járdemaqyǵa ıek artyp, masyldyqqa jol bermeıdi dep sanaıdy. Ol ár balaǵa beriletin járdemaqy tólene beretinin jetkizdi.

"Eger jalǵyzbasty ana 4 balany ózi baǵyp otyrsa, balalary 20 789 teńgeden alady. Ózi balaǵa kútim jasap otyr ǵoı, ol anaǵa da 20 789 teńge tólenedi. Jalǵyzbasty ana bir balamen otyrsa, ekeýine de 20 789 teńgeden tólenedi", - dedi Eńbek jáne halyqty áleýmettik qorǵaý mınıstriniń orynbasary.

Usynǵan: Farıza Jomartqyzy