Jańa Zelandıada  Hýsne Ara Parvın atty áıel Ál-Nur meshitindegi atys kezinde sal bolyp qalǵan kúıeýi Farıd Ýddındi qutqaramyn dep jan tapsyrdy dep habarlaıdy Qamshy.kz aqparat agenttigi bdnews24 saıtynyń deregin negizge ala otyryp. Parvınniń kúıeýi qandy qyrǵynnan aman qalǵan, atys bastalǵan kezde ony basqa bireýler qaýipsiz jerge shyǵarǵan.

Ál-Nur meshiti áıelder jáne erler seksıasyna bólingen. 

“Ápkem múgedekter arbasyna tańylǵan kúıeýin erler seksıasyna qaldyryp, ózi áıelder seksıasyna ketken. Ol qarýdyń daýysyn estip, kúıeýin qutqarý úshin erler seksıasyna júgirip baryp, sol jerde jan tapsyrǵan”, – deıdi áıeldiń inisi Mahfýz Choýdhýrı.

Jańa Zelandıa polısıasy Parvınniń oqqa ushqanyn otbasyna habarlaǵan, alaıda, ázirge onyń máıitin týystaryna bermepti.  

Eske sala ketsek, juma kúni Kraıscherchtegi eki meshitte belgisiz bireýler kelýshilerge oq jaýdyrǵan bolatyn. Jergilikti bıliktiń málimetinshe, 49 adam kóz jumǵan.  Jańa Zelandıa premeri Djasında Ardern bolǵan oqıǵany terakt dep atady. Shabýylǵa qatysy bar degen kúdikpen úsh adam ustalyp, Avstralıa azamaty men 28 jastaǵy Brenton Tarrantqa kisi óltirdi degen aıyp taǵyldy. Senbi kúni sot ony qamaýda ustaý merzimin 5 sáýirge deıin uzartty.

Aýdarǵan: Farıza Jomartqyzy