Jeńil salmaqta WBU boıynsha jáne ekinshi jartylaı jeńil salmaqta IBO boıynsha álem chempıony Fırýza Sháripovaǵa basqa elderdiń atynan jarysqa qatysý týraly usynystar túsip jatyr dep habarlaıdy Qamshy.kz aqparat agenttigi sputniknews.kz-tiń deregin negizge ala otyryp.
Qazaqstandyq álem chempıony Fırýza Sháripova boks – áıelderge jat sport degen uǵymdy túp -tamyrymen joıýdy jalǵastyryp keledi.
"Ómirimizge esh zıany joq, bári adamǵa baılanysty. Zalda sen sportshysyń. Zaldan tys qarapaıym adamsyń. Men de basqa qyzdar sıaqty kóılek kıemin, opa-dalap jaǵamyn, tamaq pisire alamyn", - deıdi ol.
Sháripovanyń menedjeri Sergeı Zavıleıskıı atap ótkendeı, qazaqstandyq qyzǵa basqa eldiń namysyn qorǵaý týraly usynystar jıi túsedi.
"Áýeli burynǵy Keńes Odaǵynyń bir elinen usynys boldy, ótken aptada Azıa elderiniń biri Fırýza sol memlekettiń atynan jarystarǵa qatysý úshin bir mıllıon dollar tóleýge usynys jasady", - deıdi ol.
Usynǵan: Farıza Jomartqyzy
