Qazaqstandyq aktrısa Samal Eslámova Gonkongta ótken Azıa kınoakademıasynda (Asian Film Awards Academy) «Azıanyń úzdik aktrısasy» syılyǵyna ıe boldy, dep habarlaıdy Qamshy.kz aqparat agenttigi.

Bul týraly QR Mádenıet jáne sport mınıstri Arystanbek Muhamedıuly feısbýk paraqshasynda jazdy.

«Jańa ǵana rejıser Sergeı Dvorsevoıdan keremet jańalyqty estidim. Gonkongta ótken Azıa kınoakademıasynda (Asian Film Awards Academy) Samal Eslámova «Azıanyń úzdik aktrısasy» syılyǵyna ıe boldy», - dep jazdy mınıstr.

Arystanbek Muhamedıulynyń aıtýynsha, Asian Film Awards Academy - «azıalyq Oskar» sanalady.

Azıa kınoakademıasy nomınanttardyń tizimin 11 qańtarda belgilegen. 

«Bul óte iri jetistik. Shyǵarmashylyq komandany shyn júrekten quttyqtaımyn!», - deıdi mınıstr. 

Aqyn Maqpal Mysa da feısbýk paraqshasynda aktrısany quttyqtap: "... Ol Maǵjan týǵan topyraqtan. "Batyr Baıandy" jattap óstim deıdi. Boıynan tazalyq esip tur. Móldir... Ómir men óner jaıly kóp áńgimelestik. Jańa ǵana jaqsy jańalyǵyn jetkizdi. Bul onyń - kezekti jeńisi!
Koreıada ótken "13 Asia Academy award" kıno festıvalinde bizdiń Samal Azıanyń úzdik aktrısasy atandy. Elbasy syılaǵan áshekeı ajaryn asha túsipti. Qazaqtyń qyzy ádemi! Qutty bolsyn!" - dep aqjarma tilegin jetkizipti.

Eske sala ketsek, Samal Eslámova byltyr 71 Kann kınofestıvalinde óz atalymy boıynsha jáne Túrkıada ótken kınofestıvalde úzdik aktrısa dep tanylǵan bolatyn. Aktrısa reseılik rejıser Sergeı Dvorsevoıdyń «Aıka» atty kartınasynda basty róldi somdaǵan.

Usynǵan: Maqpal Sembaı