Atyraýda ótken senbilikte ózen jaǵalaýynan 52 tonna qoqys, 4,3 tonna óli balyq jınaldy, dep habarlady Qamshy.kz aqparat agenttigine Atyraý oblystyq Óńirlik komýnıkasıalar qyzmeti.
«Taza jaǵalaý» senbiligine 2600-den astam turǵyn qatysyp, 9 birlik arnaıy tehnıka tartyldy.
16 naýryzda “Nur Otan” partıasy Atyraý fılıaly men oblystyq ákimdiktiń uıymdastyrýymen jalpyqalalyq senbilik ótti.
Aýqymdy sharaǵa 2600-den astam qala men selolyq okrýgterdiń turǵyndary, memlekettik mekemelerdiń qyzmetkerleri, qoǵamdyq uıymdardyń ókilderi, stýdentter qatysty.
-Senbilikke qatysqandar qatary kóp boldy, 52 tonna qoqys jınaldy. Kelesi joly da barlyq turǵyndardy osy bastamany qoldaýǵa, jaǵalaýdy tazartýǵa qatysýǵa shaqyramyz, -dedi Azamattyq ortalyqtyń medıa bóliminiń meńgerýshisi Symbat Jandarbek.
Sonymen qatar, senbilik qortyndysy boıynsha 4,3 tonna óli balyq jınaldy, balyqtardyń salmaǵy eseptelip, qylmystyq is materıalyna tirkeldi.
10 jeltoqsan 2018 jyldan bastap «Kazgıdromet» RMM Jaıyq ózenindegi sý jaǵdaıyna monıtorıń júrgizip keledi. Zerthanalyq synamalar lastanýdyń joǵary jáne óte joǵary deńgeıin kórsetken joq. Qazir Qazgıdromet monıtorıń aıasynda shtattyq rejımde apta saıyn synama alyp otyr. Sý synamasyn Ekologıa departamenti men tutynýshylar quqyǵyn qorǵaý departamenti de júrgizýde.
Búginge deıin 200-den astam synama alyndy. Bul ózenniń jaǵdaıyna monıtorıń úshjaqty júrgizilip jatqanyn jáne ózen jaǵdaıy qalypty ekenin kórsetedi.
Aıta ketý kerek, qyrylǵan balyqtardyń basym bóligi (102,862 tonna) jasandy túrde ósirilgen, ıaǵnı ózendegi bekire tuqymdas balyqtardyń tabıǵı popýlásıasyna qatysy joq. Jaıyqtaǵy balyq qorynyń tabıǵı popýlásıasyna jınalyp alynǵan jalpy salmaǵy 11,3 tonna chastık tuqymdas balyqtar jatady.
Sonymen qatar, QR Energetıka mınıstrligi Atyraý oblystyq ákimdigimen birlesip turaqty túrde aımaqtyń ekologıalyq ahýalyn jaqsartý jónindegi keshendi jospardy daıyndaýda. Jaǵdaıǵa memlekettik organdarmen birge «Nur Otan» partıasynyń oblystyq fılıaly, Atyraý oblystyq ákimdigi monıtorıń júrgizip otyr. «Nur Otan» partıasynyń fılıalymen qatar ishki ister organdarynyń qyzmetkerleri, QR Aýyl sharýashylyǵy mınıstrligi veterınarlyq qadaǵalaý komıteti qyzmetkerleri saýda oryndaryndaǵy balyq satatyn núktelerge kún saıyn tekserý jumystaryn júrgizedi.
Atyraý oblystyq ákimdigi Jaıyq ózenine ǵylymı zertteý júrgizýge 80 mln teńge bóldi.
Usynǵan: Nazerke Labıhan
