Internet - alaıaqtyq faktisi boıynsha 23 jastaǵy azamatqa qarsy aldyn ala tergeý júrgizilýde. Kúdikti – Almaty qalasynyń turǵyny, A. esimdi azamat «Instagramm» jelisin paıdalanýshylardyń senimine kirý jáne aldaý arqyly ańqaý azamattardyń aqshalaryn ıemdenip aldy dep habarlaıdy Qamshy.kz aqparat agenttigi.

«Jumyssyz er adam «Olimp_bets_kzzz» atty paraqsha ashqan, onda ol býkmekerlik keńselerge stavka tigý arqyly aqshany kóbeıtip berýdi usynǵan. Bir qyzyǵy, «salǵan aqshalaryn» 10 esege kóbeıtip alǵysy kelgen adamdar, paraqshanyń ákimshisi aıtqandaı, aqshalaryn myna nómirdegi «8-700-694-14-52» kıvı ámıanǵa salyp, múldem beıtanys adamǵa jiberdi. Aqshany alǵannan keıin, qaskóı, árıne, óziniń «tutynýshylarymen» baılanysqa shyqpaı, olardy buǵattap tastady. Qazirgi ýaqytta kúdikti A. esimdi azamattyń artynda 4 qylmystyq epızod bar. Jalpy alǵanda, qaskóı alaıaqtyq áreketteri arqyly azamattardy shamamen 6 mıllıon teńgege aldady. Osy fakti boıynsha QR QK-niń 190 baby 4 tarmaǵy 2 bólimine sáıkes «Alaıaqtyq jasaý nemese paıdalanýshynyń aqparattyq júıege degen senimin asyra paıdalanýy» aldyn ala tergeý tirkeldi»,–  dep habarlady, Krımınaldyq polısıa basqarmasynyń bastyǵy, polısıa podpolkovnıgi Esen Ysqaqov.

Sonymen qatar, Almaty polısıasy áleýmettik jelidegi joǵaryda kórsetilgen paraqshanyń ıesiniń qylmystyq áreketterinen zardap shekken azamattardy myna telefon nómirleri boıynsha habarlasýlaryn suraıdy: 298-51- 36; 8-747-818-31-99 nemese 102.

Usynǵan: Farıza Jomartqyzy