Jeksenbi kúni 17 naýryzda Qazan qalasynda «Reseı aýmaǵynyń tutastyǵy, áleýmettik ádilettilik jáne jańa kýrs» atty mıtıń boldy. Alańǵa jınalǵan júzge jýyq qaýym nıetterin bılikke ashyq bildirip, memleketti basqarý júıesin ózgertýdi talap etti.

Jıyrmaǵa jýyq polısıa qyzmetkeri sherýdi syrttaı baqylap turdy.

«Sovet odaǵyn saqtap qalý referendýmy kúninde biz Reseı terıtorıasynyń tutastyǵy, áleýmettik ádilettilik úshin mıtıńke jınaldyq. Bizge keregi – azamattyq qoǵamnyń saqtalýy, sóz bostandyǵy, bılikti erkin synaý, laıyqty bilim júıesi, medısına ári tıimdi sot júıesi», - mıtıńini uıymdastyrýshylardyń biri Evgenıa Islamova.

Islamovanyń sózderin ózge sherýshiler jalǵastyryp  áketti.   Alǵashqy bolyp sóz alǵan «Orys mádenıeti» qaýymdastyǵynyń tóraǵasy Mıhaıl Sheglov aldymen halyqty merekemen quttyqtady.

«Búgin biz úshin uly kún! Sovet odaǵyn saqtap qalý úshin daýys bergenimizge 1 jyl toldy. Qyrymnyń Reseıge qosylǵanyna 5 jyl boldy. Bar qalaǵanymyz – qarapaıym halyqtyń jaqsy ómir súrýi», - dedi Sheglov.

Sovet odaǵynyń oraǵy men balǵasyn ári Reseı ımperıasynyń týyn ustap shyqqan Mıhaıl Sheglovtyń sózin muqıat tyńdady. Onyń aıtýynsha, Reseı aınalasyndaǵy jerdiń bári derlik orystarǵa tán eken.

«Qazaqstan orystiki. Qazaqtarǵa qarsylyǵymyz joq. Qazaqstan – kazaktardiki, sonymen boldy. Túsinesizder me, aınalanyń bári bizge tán, bári bizdiki. Bermeýimiz kerek, saqtaıyq», - degen Sheglov sherýshilerdi bir rýhtandyryp aldy. Sebebi onyń sózin qoldaǵandar «Bizdi eshkim jeńe almaıdy! Reseı, Qazan, Reseı» dep aıǵaıǵa basty.  

Aýdarǵan: Gúlim Jaqan