Meksıkanyń Akapýlko qalasynda bala Isa músininiń kózinen qan aqqan. Turǵyndar bul oqıǵany eldegi jappaı adam adam ólimimien baılanystyrdy.

Bala músininiń kózinen aqqan qandy turǵyndar vıdeoǵa da túsirip alǵan.

Shirkeý qyzmetkerleri men dindarlar erekshe jaǵdaıdyń sebebin anyqtaýǵa tyrysyp jatyr.

Turǵyndar jekemenshik úıdiń birinde ornalasqan bul músinniń jıi jylaıtynyn aıtady. Jergilikti dindarlar muny qudaıdyń belgisi dep otyr. Sebebi aýdanda qylmys kóbeıip bara jatqan kórinedi.

Kýágerlerdiń aıtýynsha, 2019 jyl bastalǵaly músin 4-shi ret jylaǵan.

Eń alǵash Jańa jyl túninde jylaǵan eken.

Turǵyndardyń aıtýynsha, osylaısha bala músin eldegi beıbereketsizdikke degen narazylyǵyn bildirdi. Resmı organdardyń málimdeýinshe, búgin ár 100 myń turǵynnyń 111-i qastandyqtyń qurbany bolyp otyr.

«Halyq pikiri ekige bólingen. Biri muny shaıtannyń qastandyǵy dep sanaıdy, endi biri qudaıdyń belgisine balaıdy. Biz bárin óz kózimizben kórdik. Tipti, músin adamdardy kózinshe de jylaǵan», - dedi jergilikti turǵyn Soledad Natıvıdad Flores.

Turǵyndar músindi shirkeýge aparýǵa qarsy. Alaıda shirkeý qyzmetkerleri istiń mán-jaıyn tekserý úshin músinniń shirkeýde bolǵanyn talap etip otyr. Sebebi «muny adamdar óz múddeleri úshin paıdalanýy múmkin» deıdi din qyzmetkerleri. Onyń ústine, músinnen aqqan jas ta ótirik bolýy ǵajap emes.

Usynǵan: Gúlim Jaqan