Qoqysqa toly páterden tabylǵan 5 jasar maýglı qyz dárigerlermen sóılesip, oınaı bastady dep jazady Qamshy.kz aqparat agenttigi saıtynyń deregin negizge alyp. Reseılik jýrnalıser maýglı qyzdy vıdeoǵa túsirip alǵan. 

Vıdeodan kishkentaı qyzdyń sýret salǵaly jatqanyn baıqaýǵa bolady. Onyń eń alǵashqy sózi "bul - Fýntık" bolǵan. Maýglı qyz mýltfılmdegi keıipkerdi tanypty. Ol basqa da janýarlardyń ataýyn aıta alady, biraq sybyrlap sóıleıdi eken. 

Eske sala ketsek, Reseıdiń tergeý komıteti Máskeýdegi páterlerdiń birinen tabylǵan maýglı qyzdyń vıdeosyn jarıalaǵan bolatyn. Páterden tabylǵan qyzdy quqyq qorǵaý organdarynyń ókilderi aýrýhanaǵa jetkizdi. 

Tergeýshilerdiń málimetinshe, páterdegi qyz anoreksıaǵa shaldyqqan. Sondaı-aq, qyzdyń aqyl-oıy damymaı qalǵan, jergilikti BAQ ony "maýglı" dep atap ketti.

Qoqysqa toly páterden tabylǵan qyzdyń anasy qolǵa tústi, qazir ony tergeýge alýda. Anasynyń ústinen «Adam óltirmek boldy» degen aıyppen qylmystyq is qozǵaldy.

Aýdarǵan: Ásel Bolatqyzy