Qazaqstannyń Ortalyq saılaý komısıasy Qasym-Jomart Toqaevtyń ókilettigi týraly málimdemeni jarıalady, dep habarlaıdy Qamshy.kz aqparat agenttigi OSK baspasóz qyzmetine silteme jasap.
2019 jylǵy 20 naýryzda 9.00-de Qazaqstan Respýblıkasy Ortalyq saılaý komısıasynyń otyrysy boldy, onda úsh másele qaraldy:
1) Qazaqstan Respýblıkasynyń prezıdenti N.Á. Nazarbaevtyń ókilettigin merziminen buryn toqtatý týraly;
2) Qazaqstan Respýblıkasy Parlamenti Senatynyń depýtaty Q.K. Toqaevtyń ókilettigin toqtatýǵa ákeletin negizdiń týyndaǵany týraly;
3) Qazaqstan Respýblıkasynyń prezıdenti ókilettiginiń Q.K. Toqaevqa kóshkeni týraly.
"Konstıtýsıanyń 42-babynyń 3-tarmaǵyna sáıkes respýblıka prezıdentiniń ókilettigi jańadan saılanǵan respýblıka prezıdenti qyzmetine kirisken kezden bastap, sondaı-aq prezıdent qyzmetinen merziminen buryn bosatylǵan jaǵdaıda toqtatylady.
Konstıtýsıalyq Keńestiń 2019 jylǵy 15 aqpandaǵy № 1 qaýlysy boıynsha Qazaqstan Respýblıkasy prezıdentiniń konstıtýsıalyq mártebesinen onyń óz erkin bildirýine sáıkes ókilettigin toqtatý quqyǵy týyndaıdy. Ol memleket basshysynyń ókilettigin merziminen buryn toqtatýǵa derbes negiz bolyp tabylady. Tıisti qaýly qabyldandy.
Konstıtýsıanyń 48-babyna sáıkes Qazaqstan Respýblıkasynyń prezıdenti qyzmetinen merziminen buryn bosaǵan jaǵdaıda QR prezıdentiniń ókilettigi qalǵan merzimge Parlament Senatynyń tóraǵasyna kóshed", - delinedi habarlamada.
Ózine respýblıka prezıdentiniń ókilettigin qabyldaǵan tulǵa tıisinshe Senat Tóraǵasynyń ókilettigin doǵarady. Tıisinshe, № 885 Jarlyqtyń 2-tarmaǵymen prezıdenttiń ókilettigi qalǵan merzimge senat tóraǵasy Qasym-Jomart Kemeluly Toqaevqa kóshetini kózdeldi.
"Osyǵan baılanysty Konstıtýsıanyń 48-babynyń 1-tarmaǵyn jáne «Qazaqstan Respýblıkasynyń Parlamenti jáne onyń depýtattarynyń mártebesi týraly» KZ normalaryn basshylyqqa ala otyryp, OSK Senat depýtatynyń ókilettigin toqtatýǵa ákeletin negizdiń týyndaǵany týraly qaýly qabyldap, Parlament Senatyna tıisti usynym engizdi", - delinedi habarlama mátininde.
QR Ortalyq saılaý komısıasynyń qaýlylary Qazaqstan Respýblıkasynyń Konstıtýsıasyna, «Qazaqstan Respýblıkasynyń Prezıdenti týraly» Qazaqstan Respýblıkasynyń Konstıtýsıalyq Zańyna sáıkes, «Qazaqstan Respýblıkasy Prezıdentiniń ókilettigin atqarý týraly» QP prezıdentiniń 2019 jylǵy 19 naýryzdaǵy № 887 Jarlyǵy negizinde qabyldandy.
