Qazaqstandaǵy bıliktiń basqarý qurylymynyń ózgerýi talaıdy oılantqany jáne tańqaldyrǵany anyq. Endigi saıasat qalaı bolady, Qazaqstan Nazarbaevsyz alǵa jyljı ala ma? Reseı sarapshylarynyń bul máselege kózqarasy qandaı? Sonymen...
Dmıtrıı Abzalov, Reseı Strategıalyq komýnıkasıalar ortalyǵynyń prezıdenti:
«Nursultan Nazarbaev – qazir Qaýipsizdik keńesiniń tóraǵasy. Anyǵyna kelgende, bul júıege daıyndyq 2014 jyldan bastaldy. Endi Qaýipsizdik keńesi Nazarbaevtyń kelýimen ókilettiligin nyǵaıtady. Jaqynda úkimet basshysy aýysty. Nazarbaevtyń bılik partıasynda da bedeli asa joǵary. Parlament te ony jaqtaıdy. Demek bolashaqta da úkimet quramyn jasaqtaýǵa da bılik partıasynyń yqpaly joǵary bolady. Bylaısha aıtqanda, Qaýipsizdik keńesin kúsheıtý arqyly bolashaqta Qazaqstan parlamenttik respýblıkaǵa ótedi degen sóz. Nazarbaevtyń syrtqy saıasatta ta yqpaly kúshti. Tek ol eldiń ishki áleýmettik-ekonomıkalyq máselelerine ǵana aralasa almaıdy.
♦Nazarbaevtyń otstavkasyna qaıǵyrǵan 3 prezıdent
Anyǵyn aıtqanda, postkeńestik elderdiń ishinde memleketti uzaq basqaryp otyrǵan – úsh adam ǵana. Nazarbaev ketti, endigi qalǵany – Emomalı Rohmon men Aleksandr Lýkashenko.
Al prezıdenttik kresloǵa Toqaevty qaldyrýy zańdy qubylys. Toqaevtyń eshqandaı klandar men toptarǵa qatysy joq, ol – taza adam. Uzaq jyldardan beri dıplomatıalyq qyzmette. Halyqaralyq qatynasta bedeli joǵary adam. Toqaev Qazaqstannyń kóp vektorly saıasatyn qurýshy qaıratkerlerdiń biri. Halyqaralyq qoǵamdastyq ony jaqsy tanıdy. Demek muragerlikke mundaı adamnyń kelýi –durys nárse. Nazarbaev bul oraıda qatelesken joq dep oılaımyn.
Sergeı STEPASHIN, Reseıdiń eks-premeri:
–Qorqatyn eshnárse joq. Joldas Nazarbaev Qazaqstandy da, Reseıdi de saqtap qalady, eshqandaı eldi satyp ketpeıdi. Nazarbaev –qazaqstandyq úlgidegi Den Sáopın. Oǵan jańa qyzmetinde tabys tileımin.
Frans KLINSEVICH, Reseı Federasıa keńesiniń qorǵanys jáne qaýipsizdik komıtetiniń múshesi:
–Reseımen yntymaqtastyq jaqsara túsedi. Nazarbaevtyń yqpaly eshqashan tómendemeıdi. Biraq Amerıkanyń arnaýly qyzmet oryndary Qazaqstannyń ishki turaqtylyǵyn buzý úshin ártúrli jobalar usynyp, halyqty ábigerge salýy yqtımal. Muny da joqqa shyǵarýǵa bolmaıdy. Sondyqtan mundaı máselege biz de daıyn bolýymyz kerek.
Gennadıı BÝRBÝLIS, Reseıdiń burynǵy Memlekettik hatshysy:
–Nursultan Nazarbaev Qaýipsizdik keńesiniń tóraǵasy bolyp ornynda qaldy. Onyń fýnksıalary óte keń jáne sheksiz Atalǵan organ Nazarbaevtyń bastamasymen quryldy. Ol –aqıqat. Nazarbaev Qaýipsizdik keńesiniń ókilettigin barynsha keńeıtý arqyly Ult kóshbasshysy mártebesin taǵy da nyqtaýy múmkin. Aqıqatyna kelgende, ol Qazaqstannyń shynaıy basshysy bolyp bılikte qala beredi.
