Búgin Elbasy Almaty qalasyna keldi dep jazady Qamshy.kz aqparat agenttigi. Almatylyq jastar Nazarbaevty gúl shoqtarymen kútip aldy. Jastar táýelsiz Qazaqstannyń qalyptasýyna zor úles qosqany úshin Elbasyǵa alǵysyn bildirdi. 

Atalmysh is-sharaǵa almatylyq JOO-nan 2 myńǵa jýyq stýdent qatysty. Al Elbasy bolsa óz kezeginde kútpegen syı jasap, qurmetpen kútip alǵany úshin almatylyq jastarǵa alǵys bildirdi. 

"Men eshqaıda ketken joqpyn. Men sendermen birgemin. Aıtylǵan barlyq bastamalardy iske asyrýdy jalǵastyryńdar. Eger bergen ýádelerińdi oryndamasańdar men qaıtyp kelip, bárińe suraq qoıyp shyǵam",- dedi Nazarbaev. 

Sondaı-aq Nazarbaev jastardyń eldiń damýyna qosatyn úlesi zor ekenin aıtyp ótti. 

"Sender baqyttysyńdar! Osyndaı ádemi qalada oqyp, álemge áıgili elde turasyńdar. Qazaqstan - bizdiń Otanymyz! Bizdiń mindetimiz - táýelsizdikti saqtap qalý. Senderge zor densaýlyq jáne tabys tileımin", - dep aqjarma tilegin jaýdyrdy Elbasy. 

Usynǵan: Ásel Bolatqyzy