Qazaqstan Respýblıkasy Úkimetiniń qaýlysymen Erjan Jumatuly Jylqybaev Eńbek jáne halyqty áleýmettik qorǵaý vıse-mınıstri qyzmetine taǵaıyndaldy. Bul týraly Qamshy.kz aqparat agenttigi QR Premer-Mınıstriniń baspasóz qyzmetine silteme jasaı otyryp habarlaıdy.

Erjan Jylqybaev 1982 jyly Ońtústik Qazaqstan oblysy Tólebı aýdanynyń Lenger qalasynda dúnıege kelgen. Ońtústik Qazaqstan ýnıversıtetin, Qazaqstan Respýblıkasy Prezıdentiniń janyndaǵy Memlekettik basqarý akademıasyn, S. Amanjolov atyndaǵy Shyǵys Qazaqstan memlekettik ýnıversıtetin támamdaǵan.

 Eńbek jolyn 2003 jyly Ońtústik Qazaqstan oblysynyń Ekonomıka departamentiniń bas mamany bolyp bastaǵan. 2006 jyly Qazaqstan Respýblıkasy Premer-Mınıstri Keńsesiniń bas sarapshysy bolyp taǵaıyndalǵan.

2007 jyly QR Ekonomıka jáne búdjettik josparlaý mınıstrliginiń Ekonomıka jáne búdjettik josparlaý departamentiniń bólim basshysy bolyp eńbek etken. 2009–2011 jyldary — Shyǵys Qazaqstan oblysy ákiminiń apparat basshysynyń orynbasary. 2011–2012 jyldary — Semeı qalasy ákiminiń orynbasary.

2012–2015 jyldary — Shyǵys Qazaqstan oblysy ákiminiń apparat basshysy.

2015–2016 jyldary — Qazaqstan Respýblıkasy Prezıdenti Ákimshiliginiń memlekettik baqylaý jáne uıymdastyrý-aımaqtyq jumys bóliminiń memlekettik ınspektory.

2016 jyldyń mamyr aıynan bastap qazirgi tańǵa deıin Almaty qalasy Medeý aýdanynyń ákimi laýazymyn atqarǵan.

Usynǵan: Farıza Jomartqyzy